مەملەكەت باسشىسىنىڭ جارلىعىمەن يۋري يلين قازاقستان رەسپۋبليكاسىنىڭ توتەنشە جاعدايلار ءمينيسترى لاۋازىمىنان بوساتىلدى، دەپ حابارلايدى "ادىرنا" ۇلتتىق پورتالى.
اباي وبلىسىنداعى الاپات ورتكە بايلانىستى قاسىم-جومارت توقاەۆ توتەنشە جاعدايلار ءمينيسترى يۋري يلينگە وقيعا ورنىنا جەدەل بارىپ، ءورت ءسوندىرۋ جۇمىستارىن باسقارۋ مىندەتىن جۇكتەگەن ەدى. "ادىرنا" ۇلتتىق پورتالى بۇرىنعى ءمينيستردىڭ تەك پرەزيدەنت ايتقان سوڭ قوزعالعانىن جازعان بولاتىن. قازىر الاپات ءورت اباي وبلىسىنداعى قىلقان جاپىراقتى ورمانداردىڭ باسىم بولىگىن شارپىپ، اۋىزدىقتاۋعا ىرىق بەرمەي، كۇشەيىپ الدى.
بۇرىنعى توتەنشە جاعدايلار ءمينيسترى يۋري يلين 1968 جىلى رەسەيدىڭ كۋيبىشەۆ قالاسىندا دۇنيەگە كەلگەن.
1989 جىلى ي.س. كونەۆ اتىنداعى الماتى جوعارى جالپى اسكەري كوماندالىق ۋچيليششەسىن شىنجىر تابان جانە دوڭگەلەكتى ماشينانى پايدالانۋ جونىندەگى ينجەنەر ماماندىعى بويىنشا، 2006 جىلى قىرعىز مەملەكەتتىك زاڭ اكادەمياسىن زاڭگەر ماماندىعى بويىنشا ءتامامدادى.
2016 جىلعى ءساۋىر ايىنان باستاپ قازىرگى تاڭعا دەيىن قر ىشكى ىستەر ءمينيسترىنىڭ ورىنباسارى قىزمەتىن اتقاردى.
2020 جىلعى 11 قىركۇيەكتەگى قر پرەزيدەنتىنىڭ جارلىعىمەن قازاقستان رەسپۋبليكاسىنىڭ توتەنشە جاعدايلار ءمينيسترى بولىپ تاعايىندالدى.
2021 جىلى 18 قاڭتاردا قر پرەزيدەنتىنىڭ جارلىعىمەن توتەنشە جاعدايلار ءمينيسترى بولىپ قايتا تاعايىندالدى.
2022 جىلعى 11 قاڭتاردا پرەزيدەنتتىڭ جارلىعىمەن قر توتەنشە جاعدايلار ءمينيسترى بولىپ قايتا تاعايىندالدى.
2023 جىلعى 4 ساۋىردە قر پرەزيدەنتىنىڭ جارلىعىمەن قازاقستان رەسپۋبليكاسىنىڭ توتەنشە جاعدايلار ءمينيسترى بولىپ قايتا تاعايىندالدى.
"ادىرنا" ۇلتتىق پورتالى
