Memleket basshysynyń Jarlyǵymen Iýrıı Ilın Qazaqstan Respýblıkasynyń Tótenshe jaǵdaılar mınıstri laýazymynan bosatyldy, dep habarlaıdy "Adyrna" ulttyq portaly.
Abaı oblysyndaǵy alapat órtke baılanysty Qasym-Jomart Toqaev Tótenshe jaǵdaılar mınıstri Iýrıı Ilınge oqıǵa ornyna jedel baryp, órt sóndirý jumystaryn basqarý mindetin júktegen edi. "Adyrna" ulttyq portaly burynǵy mınıstrdiń tek Prezıdent aıtqan soń qozǵalǵanyn jazǵan bolatyn. Qazir alapat órt Abaı oblysyndaǵy qylqan japyraqty ormandardyń basym bóligin sharpyp, aýyzdyqtaýǵa yryq bermeı, kúsheıip aldy.
Burynǵy Tótenshe jaǵdaılar mınıstri Iýrıı Ilın 1968 jyly Reseıdiń Kýıbyshev qalasynda dúnıege kelgen.
1989 jyly I.S. Konev atyndaǵy Almaty joǵary jalpy áskerı komandalyq ýchılıesin shynjyr taban jáne dóńgelekti mashınany paıdalaný jónindegi ınjener mamandyǵy boıynsha, 2006 jyly Qyrǵyz memlekettik zań akademııasyn zańger mamandyǵy boıynsha támamdady.
2016 jylǵy sáýir aıynan bastap qazirgi tańǵa deıin QR ishki ister mınıstriniń orynbasary qyzmetin atqardy.
2020 jylǵy 11 qyrkúıektegi QR Prezıdentiniń Jarlyǵymen Qazaqstan Respýblıkasynyń tótenshe jaǵdaılar mınıstri bolyp taǵaıyndaldy.
2021 jyly 18 qańtarda QR Prezıdentiniń Jarlyǵymen tótenshe jaǵdaılar mınıstri bolyp qaıta taǵaıyndaldy.
2022 jylǵy 11 qańtarda Prezıdenttiń Jarlyǵymen QR tótenshe jaǵdaılar mınıstri bolyp qaıta taǵaıyndaldy.
2023 jylǵy 4 sáýirde QR Prezıdentiniń Jarlyǵymen Qazaqstan Respýblıkasynyń tótenshe jaǵdaılar mınıstri bolyp qaıta taǵaıyndaldy.
"Adyrna" ulttyq portaly
