اباي وبلىسىنداعى الاپات ورتكە بايلانىستى مەملەكەت باسشىسى قاسىم-جومارت توقاەۆتىڭ 11-13 ماۋسىم كۇندەرى ۆەتنامعا جوسپارلانعان رەسمي ساپارى كەيىنگە شەگەرىلدى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
«پرەزيدەنت شۇعىل كەڭەس وتكىزۋ جانە اپاتتان زارداپ شەككەن ازاماتتارعا كومەك كورسەتۋ شارالارىن قابىلداۋ ءۇشىن اباي وبلىسىنا بارۋدى جوسپارلاپ وتىر»،—دەلىنگەن حابارلامادا.
بۇعان دەيىن اباي وبلىسىنداعى ورمان ءورتىنىڭ ورشىگەنىن جازعان ەدىك. پرەزيدەنت توتەنشە جاعدايلار ءمينيسترى يۋري يلينگە وقيعا ورنىنا جەدەل بارىپ، ءورت ءسوندىرۋ جۇمىستارىن باسقارۋ مىندەتىن جۇكتەدى. قازىرگى تاڭدا اباي وبلىسىندا 6 ۋچاسكەدە ءورتتى ءسوندىرۋ جۇمىستارى جالعاسىپ جاتىر. ءتىلسىز جاۋدى سوندىرۋگە تجم، ورمان شارۋاشىلىعى كوميتەتىنەن، جەرگىلىكتى اتقارۋشى ورگانداردان جانە قورعانىس مينيسترلىگىنەن 600 استام ادام، 168 تەحنيكا جۇمىلدىرىلدى.
