...ارينە، قازاقستاننىڭ ەكىنشى پرەزيدەنتى قاسىم-جومارت توقاەۆ ەلباسىن ۇلىقتاۋ جونىندە ۇسىنىس جاساعانىمەن، «قازاقتىڭ ۇلى تۇلعالارىنىڭ ەسىمدەرىن تارك ەتىپ، تاۋەلسىزدىكتى جوققا شىعارىڭدار!» – دەگەن جوق قوي.
سولاي بولا تۇرا، «شاش ال دەسە، باس الۋعا» دايىن تۇراتىن اكىمدەر ءبىرشاما وبلىس ورتالىقتارىندا قازاقتىڭ ۇلى تۇلعالارىنىڭ اتى قويىلعان كوشەلەر مەن داڭعىلداردىڭ اتاۋلارىن، پاۆلوداردا تاۋەلسىزدىك داڭعىلىنىڭ اتاۋىن «نۇرسۇلتان نازارباەۆقا» وزگەرتىپ جىبەردى!
نەشەمە جىلدار بويى الىسىپ ءجۇرىپ، "كۋتۋزوۆ" كوشەسىن "تاۋەلسىزدىك" داڭعىلى دەپ قايتا اتاۋعا زورعا قول جەتكىزىپ ەدىك! ەندى، شىنىمەن، «تاۋەلسىزدىكتەن» ايرىلعانىمىز با؟!
ءبىر تۇسىنىكسىز جايت، استانا قالاسىنىڭ اتاۋى وزگەرەدى دە، پاۆلودارداعى ورتالىق كوشەلەردىڭ ءبىرى استانا كوشەسىنىڭ اتاۋى ساقتالىنىپ قالادى... ءدال سونداي ۇزىن ءارى كەڭ ورتالىق كوشەلەردىڭ ءبىرى لەرمونتوۆ ءباز-باياعى قالپىندا تۇر!..
تاۋەلسىزدىك داڭعىلىنىڭ اتاۋىن وزگەرتكەنشە پاۆلودار قالاسىن نۇرقالا دەپ قايتا اتاۋ الدەقايدا دۇرىس بولار ەدى! پاۆەل پاتشازادانىڭ ەسىمىن قۇرمەتتەۋدەن گورى ەلباسىنىڭ اتىن اسپەتتەۋ مەيلىنشە ابزال ءىس قوي!
ءبىزدىڭ بۇل ءۋاجىمىز بەن ۇسىنىسىمىز قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ مىرزاعا جەتەدى دەگەن ۇمىتتەمىز.
ارمان قاني،
حالىقارالىق «الاش» ادەبي سىيلىعىنىڭ يەگەرى،
پاۆلودار قالاسىنىڭ قۇرمەتتى ازاماتى.
