Pavlodar oblysynda alkogoldik ishimdik ishkeni úshin qamaýǵa alynǵan qala ákimi Baýyrjan Boztaev qaıta ákim bolyp saılandy, dep habarlaıdy "Adyrna" ulttyq portaly.
«Ekibastuz qalasynyń akademık Álkeı Marǵulan atyndaǵy aýyl ákimin saılaý qorytyndylary týraly ýchaskelik saılaý komıssııasynyń hattamasynyń negizinde saılaý qorytyndylary belgilendi. Barlyǵy úsh kandıdat ózin-ózi usyný arqyly básekege tústi. Nátıjesinde 1976 jyly týǵan, ózin-ózi usynǵan, akademık Álkeı Marǵulan atyndaǵy aýylda turatyn Boztaev Baýyrjan Kenjetaıuly, akademık Álkeı Marǵulan atyndaǵy aýyldyń ákimi bolyp saılandy», - dedi Ekibastuz q. qalalyq saılaý komıssııasy.
Eske sala keteıik, Ekibastuz qalasynyń Álkeı Marǵulan atyndaǵy kentiniń ákimi Baýyrjan Boztaevtyń jumysta mas kúıinde bolǵany týraly aqparat Agenttik tóraǵasynyń senim telefonyna aýyl turǵyny atynan kelip túsken bolatyn. Qazaqstan Respýblıkasynyń Memlekettik qyzmet isteri jónindegi (QQB) ádep jónindegi keńes músheleri 2023 jylǵy naýryzda biraýyzdan Ekibastuz qalasynyń ákimine Boztaevty qyzmetinen bosatýdy usyný týraly sheshim qabyldady.
"Adyrna" ulttyq portaly
