Kaspi.kz ءىىم كوشى-قون قىزمەتى كوميتەتىمەن، ادىلەت مينيسترلىگىمەن، تسيفرلاندىرۋ مينيسترلىگىمەن، ءاوو رمك جانە ۇات اق-پەن بىرلەسىپ جاڭا سەرۆيستى ىسكە قوستى. ەندى Kaspi.kz سۋپەرقوسىمشاسىندا ۋاقىتشا نەمەسە تۇراقتى تىركەۋدى رەسىمدەۋگە بولادى.
سەرۆيس ءۇي يەسىنە ءوز پاتەرىنە تىركەلۋگە نەمەسە وعان باسقا ادامداردى تىركەۋگە مۇمكىندىك بەرەدى. سونداي-اق مەنشىك يەسى ونىڭ ۇيىندە تۇرمايتىنداردى تىركەۋدەن شىعارا الادى.
ەگەر ءسىز بىرەۋدىڭ ۇيىنە تىركەلگىڭىز كەلسە، مەنشىك يەسىنىڭ جسن-ىن ەنگىزۋىڭىز كەرەك، ال سەرۆيس ونىڭ كەلىسىمىن ءوزى سۇراتادى.
Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە: «ءبىز Kaspi.kz سۋپەرقوسىمشاسىنا جاڭا سەرۆيستەردى قوسا بەرمەكپىز. ءبىزدىڭ سۇيىكتى كليەنتتەرىمىز وزدەرىنىڭ ۇيالى تەلەفونى ارقىلى اۆتوكولىكتى قايتا تىركەي الادى، جۇرگىزۋشى كۋالىگىن جاڭارتا الادى، مەملەكەتتىك مەكەمەلەردەن انىقتاما الىپ، بالالارعا جاردەماقى رەسىمدەي الادى، تۇرعىلىقتى جەرى بويىنشا تىركەلە الادى جانە باسقا دا كوپتەگەن كۇندەلىكتى مىندەتتەردى جەڭىل ءارى وڭاي ورىنداي الادى. ءبىز ءىىم-گە، ادىلەت جانە تسيفرلاندىرۋ مينيسترلىكتەرى مەن باسقا دا مەملەكەتتىك ورگاندارعا بىرلەسكەن جۇمىستى ءساتتى جۇرگىزگەنى ءۇشىن العىس ايتامىز. ءبىز ءار قازاقستاندىق ءۇشىن مەملەكەتتىك قىزمەتتەردى بۇرىنعىدان دا ىڭعايلى ءارى قولجەتىمدى ەتە وتىرىپ، قازاقستاندىقتاردىڭ ءومىرىن بىرگە جاقسارتامىز»، — دەدى.
ءىىم مەملەكەت باسشىسىنىڭ تاپسىرماسىمەن پوليتسيا قىزمەتىن تسيفرلاندىرۋ جۇمىسىن جالعاستىرىپ جاتىر.
«ءموبيلدى قوسىمشالار قاراپايىم ءارى تۇسىنىكتى، ال ولاردى پايدالانۋ قىزمەت الۋشىلاردىڭ قىزمەتكەرلەرمەن تىكەلەي كەزدەسۋىنە جول بەرمەيدى. سوندىقتان پوليتسيا قىزمەتىندە بيۋروكراتيانىڭ جولىن كەسۋ اياسىندا ءىىم حالىققا كورسەتىلەتىن مەملەكەتتىك قىزمەتتەردى سمارتفون ارقىلى الۋىنا ەرەكشە نازار اۋدارادى. سۇرانىسقا يە مەملەكەتتىك قىزمەتتەر سمارتفونداردا قولجەتىمدى. ەندى ازاماتتارعا حقكو مەن پوليتسيا مەكەمەلەرىنە بارۋدىڭ، وتىنىشتەر مەن شارتتاردى قالدىرۋدىڭ، بەلگىلى ءبىر ۋاقىت كۇتۋدىڭ قاجەتى جوق»، — دەپ حابارلادى ءىىم-دە.
«ەدب ءموبيلدى قوسىمشالارىندا قىزمەتتەردىڭ تانىمالدىعى جىل سايىن ارتىپ كەلەدى، — دەپ اتاپ ءوتتى قر ءتسدياوم ۆيتسە-ءمينيسترى اسەت تۇرىسوۆ. — ماسەلەن، وتكەن جىلى سىرتقى پلاتفورمالار ارقىلى 1 ميلليوننان استام قىزمەت الىندى. جالپى مەملەكەتتىك قىزمەتتەردى ەكىنشى دەڭگەيدەگى بانكتەردىڭ ءموبيلدى قوسىمشالارىنا شىعارۋ مەملەكەتتىك قىزمەت الۋدىڭ قولايلىلىعىن ارتتىرۋعا جانە ولاردىڭ قولجەتىمدىلىگىن قامتاماسىز ەتۋگە باعىتتالعان.
بۇگىنگى تاڭدا ءبىز ەڭ ءجيى قولدانىلاتىن قىزمەتتەردىڭ ءبىرى — تۇرعىلىقتى جەرى بويىنشا تىركەۋدى Kaspi.kz قوسىمشاسىنا شىعارىپ جاتىرمىز. ەندى Kaspi.kz قوسىمشاسى ارقىلى تۇرعىلىقتى جەرى بويىنشا تىركەلىپ، باسقالاردى تىركەۋدەن شىعارۋعا بولادى. وسى باعىتتا مينيسترلىكتىڭ، ەدب مەن مۇددەلى مەملەكەتتىك ورگانداردىڭ بىرلەسكەن جۇمىسى جالعاسىن تابادى».
سەرۆيستى پايدالانۋ قاۋىپسىز. تىركەۋدى رەسىمدەگەن كەزدە سۋرەت بويىنشا انىقتاۋدان ءوتۋ كەرەك. بۇل سىزدەن باسقا ەشكىمنىڭ ءسىزدىڭ اتىڭىزدان بۇل سەرۆيستى پايدالانا المايتىنىنا كەپىلدىك بەرەدى.
