وقۋ-اعارتۋ ءمينيسترى عاني بەيسەمباەۆ بالاباقشالاردى قازاقشالاندىرۋ تۋرالى پىكىر ءبىلدىردى، دەپ حابارلايدى «ادىرنا» ءتىلشىسى.
ايتۋىنشا، قازىرگى تاڭدا 11 مىڭنان استام بالاباقشا بار، ولاردىڭ جارتىسى — مەملەكەتتىك.
«قازاق تىلىندەگى بالاباقشالارعا قاجەتتىلىك تە، سۇرانىس تا بار. سوندىقتان، بۇكىل مەملەكەتتىك بالاباقشانى مەملەكەتتىك تىلدە جۇرگىزۋ ماسەلەسىن تولىققاندى ىسكە اسىرۋعا بولادى دەپ ەسەپتەيمىز»،—دەدى ول.
باسقارما باسشىسى بۇل ماسەلەمەن مەكتەپكە دەيىنگى ءبىلىم بەرۋ دەپارتامەنتى اينالىسىپ جاتقانىن اتاپ ءوتتى. سونداي-اق بالاباقشالاردى تەك مەملەكەتتىك تىلدە ۇيىمداستىرۋدا ماسەلەلەر بولمايتىنىن مالىمدەدى.
«تاربيەشىلەردىڭ جەتكىلىكتى سانى بار. سۇرانىس تا بار. مامانداردىڭ بىلىكتىلىگىنە قاتىستى ايتساق، ولاردى وقىتۋدان وتكىزۋ، دايىنداۋ، قوسىمشا ماماندار، لوگوپەدتەر كەرەك. سولاردىڭ ءبارىن دايىنداۋ ماسەلەسى قازىر قوسىمشا قولعا الىنادى»،—دەدى مينيستر.
