الماتى قالاسىندا بالاباقشا قىزمەتكەرىنەن 20 ميلليون تەڭگە تالاپ ەتكەن ەر ادام ۇستالدى، دەپ حابارلايدى "ادىرنا" ۇلتتىق پورتالى.
بۇل تۋرالى قالالىق پوليتسيا دەپارتامەنتىنىڭ ءباسپاسوز قىزمەتى مالىمدەدى.
الدىن الا مالىمەت بويىنشا، جەكە بالاباقشانىڭ قىزمەتكەرى پوليتسياعا ارىزدانعان. ول بالاباقشاداعى ءبىر بالانىڭ اكەسى پەداگوگتىڭ ارەكەتىنە نارازى بولىپ، جالعان اقپارات تاراتامىن دەپ قورقىتىپ، ودان 20 ميلليون تەڭگە تالاپ ەتكەنىن ايتقان.
قالالىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى قاجەتتى قۇجاتتاردى دۇرىس راسىمدەۋگە كومەكتەسىپ، دالەلدەردى جيناعان.
قازىرگى ۋاقىتتا كۇدىكتى ۇستالىپ، ۋاقىتشا ۇستاۋ يزولياتورىنا قامالدى.
ءىس بويىنشا تەرگەۋ امالدارى جۇرگىزىلۋدە.
ۇقساس جاڭالىقتار
