Oqý-aǵartý mınıstri Ǵanı Beısembaev balabaqshalardy qazaqshalandyrý týraly pikir bildirdi, dep habarlaıdy «Adyrna» tilshisi.
Aıtýynsha, qazirgi tańda 11 myńnan astam balabaqsha bar, olardyń jartysy — memlekettik.
«Qazaq tilindegi balabaqshalarǵa qajettilik te, suranys ta bar. Sondyqtan, búkil memlekettik balabaqshany memlekettik tilde júrgizý máselesin tolyqqandy iske asyrýǵa bolady dep esepteımiz»,—dedi ol.
Basqarma basshysy bul máselemen mektepke deıingi bilim berý departamenti aınalysyp jatqanyn atap ótti. Sondaı-aq balabaqshalardy tek memlekettik tilde uıymdastyrýda máseleler bolmaıtynyn málimdedi.
«Tárbıeshilerdiń jetkilikti sany bar. Suranys ta bar. Mamandardyń biliktiligine qatysty aıtsaq, olardy oqytýdan ótkizý, daıyndaý, qosymsha mamandar, logopedter kerek. Solardyń bárin daıyndaý máselesi qazir qosymsha qolǵa alynady»,—dedi mınıstr.
