الماتىدا قر مەملەكەتتىك رامىزدەر كۇنىنە وراي ءتۇرلى ءىس-شارالار، ونىڭ ىشىندە مەملەكەتتىك تۋدى سالتاناتتى تۇردە كوتەرۋ جانە جاپپاي ءانۇراندى ورىنداۋ، ۆەلوجارىس، تاقىرىپتىق كورمەلەر، دوڭگەلەك ۇستەلدەر جانە ت. ب. جوسپارلانعان.
ساعات 11:00-دە «مەدەۋ» بيىك تاۋلى سپورت كەشەنىنىڭ الاڭىندا قالا باسشىلىعىنىڭ، جاستار جۇرتشىلىعى وكىلدەرىنىڭ قاتىسۋىمەن مەملەكەتتىك تۋدى سالتاناتتى تۇردە كوتەرۋ جانە ءانۇراندى جاپپاي ورىنداۋ جوسپارلانۋدا.
ساعات 11:00-دە قالانىڭ بارلىق اۋداندارىندا ءانۇران بىرمەزەتتە ورىندالادى.
ساعات 12:00-دە شەۆچەنكو كوشەسى بويىمەن م.گاندي اتىنداعى ساياباقتان قوناەۆ كوشەسىنە دەيىن ۆەلوجارىس وتەدى، وعان اركىم قاتىسا الادى. جارىستى باستاماستان بۇرىن بارلىق قاتىسۋشىلارعا جالاۋشالار تاراتىلادى، مارەگە جەتكەن كەزدە قر ءانۇرانىن جاپپاي ورىنداۋ ۇيىمداستىرىلادى.
ساعات 19: 30-دا اباي الاڭىندا وتاندىق ەسترادا جۇلدىزدارى جۇبانىش جەكسەنۇلى، ديلناز احماديەۆا، نۇرجان كەرمەنباەۆ، گازيزحان شەكەربەكوۆ، مارحابا سءابي، اراي Tribute, «Made in KZ» توبى، سىرىمتاي ەڭسەپوۆ جانە قازبەك قۇرايىش قاتىساتىن مەرەكەلىك كونتسەرت وتەدى.
كونتسەرتتەن كەيىن قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتەرى مەن جامبىل اتىنداعى مەملەكەتتىك فيلارمونيا حورىنىڭ جاستار قۇرامى قر مەملەكەتتىك ءانۇرانىن ورىندايدى.
