Almatyda QR memlekettık rämızder künıne orai türlı ıs-şaralar, onyŋ ışınde memlekettık tudy saltanatty türde köteru jäne jappai änūrandy oryndau, velojarys, taqyryptyq körmeler, döŋgelek üstelder jäne t. b. josparlanǧan.
Saǧat 11:00-de «Medeu» biık tauly sport keşenınıŋ alaŋynda qala basşylyǧynyŋ, jastar jūrtşylyǧy ökılderınıŋ qatysuymen memlekettık tudy saltanatty türde köteru jäne änūrandy jappai oryndau josparlanuda.
Saǧat 11:00-de qalanyŋ barlyq audandarynda änūran bırmezette oryndalady.
Saǧat 12:00-de Şevchenko köşesı boiymen M.Gandi atyndaǧy saiabaqtan Qonaev köşesıne deiın velojarys ötedı, oǧan ärkım qatysa alady. Jarysty bastamastan būryn barlyq qatysuşylarǧa jalauşalar taratylady, märege jetken kezde QR änūranyn jappai oryndau ūiymdastyrylady.
Saǧat 19: 30-da Abai alaŋynda otandyq estrada jūldyzdary Jūbanyş Jeksenūly, Dilnaz Ahmadieva, Nūrjan Kermenbaev, Gazizhan Şekerbekov, Marhaba Säbi, Arai Tribute, «Made in KZ» toby, Syrymtai Eŋsepov jäne Qazbek Qūraiyş qatysatyn merekelık konsert ötedı.
Konsertten keiın Qūrmanǧazy atyndaǧy Qazaq ūlttyq konservatoriiasynyŋ studentterı men Jambyl atyndaǧy Memlekettık filarmoniia horynyŋ jastar qūramy QR memlekettık änūranyn oryndaidy.
