Almaty qalasy, Medeý aýdanynyń №2 aýdandyq sotynda emhana qyzmetkerlerine qatysty asa iri mólsherde jymqyrý arqyly bótenniń múlkin urlady degen aıyp boıynsha qylmystyq is qaraldy, dep jazady "Adyrna" ulttyq portaly BAQ.KZ-ke silteme kórsete otyryp.
Sotta belgili bolǵandar, qylmysqa barlysy josparly túrde qadam basqan. Anyǵyn aıtsaq, qalalyq sottyń baspasóz qyzmetiniń málimetinshe, 2015-2022 jyl aralyǵynda emhananyń bas dárigeri K. bas esepshi N. jáne kadr bóliminiń ınspektory S.-men aldyn ala qylmystyq kelisim ornatady. Olar is júzinde jumys istemeıtin 19 tulǵany qyzmetke taǵaıyndaý týraly buıryqtardy rásimdegen. Resmı túrde rásimdelgen qyzmetkerlerdiń shottaryna aı saıyn eńbekaqy jiberilip otyrǵan. Qylmystyq áreketke barǵandardyń bul qarajatty óz qajettilikterine jumsaǵany anyqtaldy.
K., S., N. quqyqqa qaıshy áreketteri arqyly memleketke 79 mln teńgeden astam shyǵyn keltirdi.
Zalaldy óteý sharalaryn eskere otyryp, eki tulǵa 7 jyl merzimge shartty túrde bas bostandyǵynan aıyryldy. S.-ǵa 5 jyl merzimge materıaldyq-jaýapty laýazymdardy atqarý quqyǵynan aıyrý túrinde qosymsha jaza taǵaıyndaldy, N. 5 jyl merzimge býhgalterlik qyzmetpen aınalysý quqyǵynan aıyryldy. Sot bas dáriger K.-ǵa 7 jyl merzimge bas bostandyǵynan aıyrý jazasyn taǵaıyndady, ol orta qaýipsizdik QAJ mekemesinde jazasyn óteıtin bolady. Sondaı-aq memlekettik qyzmette qyzmet atqarý quqyǵynan ómir boıyna aıyryldy, - delingen sot úkiminde.
Sot úkimi zańdy kúshine engen joq.
"Adyrna" ulttyq portaly
