اقش-تا 2019 جىلى 14-ءشى ناۋرىز كۇنى ايگىلى TESLA ەلەكتروموبيلدەرىنىڭ پرەزەنتاتسياسى ءوتتى. TESLA ەلەكتروموبيلدەرىنىڭ پرەزەنتاتسياسىنا قازاقتىڭ قىزى زاۋرە روزمات بارىپ قاتىسقان ەكەن. ەلون ماسكتىڭ ەلەكتروموبيلدەرى قازىرگى ۋاقىتتا دۇنيەنىڭ ءاربىر ەلدەرىنە ەكولوگيالىق تازالىعىمەن، قۋاتتىلىعىمەن، ۇنەمدىلىگىمەن تانىمال بولىپ تاراپ جاتىر. ماسكتىڭ TESLA ەلەكتروموبيلدەرى كومپانياسىنا ۇلتى قازاق، ازاماتتىعى امەريكالىق انۋاربەك يمانباەۆ اكتسيونەر ەكەن. اتاقتى ەلون ماسك ءبىزدىڭ قازاقستاندى سول انۋاربەك يمانباەۆ ارقىلى جاقسى تانيدى ەكەن. قازاقتىڭ ازاماتتارى سوناۋ «مۇمكىندىكتەر ەلى» اقش-تا دا الپاۋىت كومپانيالارعا اكتسيونەر بولىپ ءجۇر. سونىمەن قاتار بۇل ازامات ءبىزدىڭ قازاقستان جايىندا ەلون ماسكتى حاباردار ەتىپ جۇرگەن. TESLA ەلەكتروموبيلدەرىنىڭ پرەزەنتاتسياسى كەزىندە ءبىزدىڭ قازاقتىڭ قىزى ەلون ماسككە ءبىزدىڭ قازاقستانعا TESLA-نىڭ ءوندىرىس ورىندارىن اشۋ بويىنشا ۇسىنىس ايتىپتى. قانداي باتىر قىز!؟ سوندا ەلون ماسك: «ءبىز دۇنيەنىڭ كوپ ەلدەرىنە ءوزىمىزدىڭ SUPERCHARGER قۋاتتى ستانتسياسىن ورناتىپ جاتىرمىز. بولاشاقتا قازاقستاندا دا ورناتامىز»،-دەپ جاۋاپ بەرىپتى. وسىنى ەستىپ قۋانىپ قالدىم. قۇداي قالاسا، ەلون ماسك ءوزىنىڭ ستانتسيالارىن اكەلىپ سالىپ جاتسا، ينۆەستيتسيا تارتىپ جاتسا بۇل ۇلكەن جەتىستىك. ەلون ماسك ەشقاشان دا بەكەر ايتا سالماسا كەرەك. ونىڭ قىزمەتكەرلەرى زاۋرەگە ەلون ءوزىنىڭ ايتقانىن قاشاندا ىسكە اسىرادى دەپ تۇيىندەپتى.
نەگىزى ءبىزدىڭ تەحنولوگياعا قىزىعاتىن تەحنوكرات ازاماتتار وركەنيەتتى اقش، جاپونيا، گەرمانيا، وڭتۇستىك كورەيا سياقتى ەلدەرگە بارىپ، تەحنولوگياعا قاتىستى كوپ نارسە ۇيرەنىپ، ەلگە كەلىپ جاراتىپ جاتسا قانداي كەرەمەت بولار ەدى. سونداي وركەنيەتتى ەلدەرگە قىدىرىپ، سەرۋەندەپ بارعاننان، تەحنولوگياعا قاتىستى ءبىر نارسە ۇيرەنەمىن دەپ بارعان ءبىزدىڭ ەلگە ۇلكەن ولجا الىپ كەلەدى. بۇل قازىرگى جاستاردىڭ ەنشىسىندەگى دۇنيە. قازاق بالاسىنا تەحنولوگيا، عىلىم، ءوندىرىس، وركەنيەت كەرەك، اعايىن...
سۋرەتتە ەلون ماسكتىڭ اناسى
بەكبولات قارجان
"ادىرنا" ۇلتتىق پورتالى
