الماتى وبلىسىنىڭ اكىمى مارات سۇلتانعازيەۆتىڭ قولداۋىمەن بىلىم باسقارماسى جانە «ءبىلىم-يننوۆاتسيا» حالىقارالىق قوعامدىق قورى بىرىگە وتىرىپ، الماتى وبلىسىنداعى ورتا ءبىلىم بەرۋ جۇيەسىن دامىتۋدىڭ كەشەندى جوسپارىن دايىنداپ، ىسكە اسىرۋ جۇمىستارىن باستادى.
«الماتى وبلىسىنىڭ اكىمدىگى وسىنداي كولەمدى جوبا باستاپ جاتىر. نەگىزگى ماقساتى «ءبىلىم-يننوۆاتسيا» ليتسەيلەرىنىڭ 30 جىلدىق تاجىريبەسىنە سۇيەنە وتىرىپ، ءوڭىردىڭ پەداگوگيكالىق كادرلارىنىڭ كاسىبي الەۋەتىن ارتتىرۋ، بىلىم ساپاسىن كوتەرۋ. وڭىردە تاڭدالعان 50 مەكتەپ ديرەكتورلارىنا ارنايى سەمينار-ترەنينگتەر جۇرگىزىلۋدە”، - دەدى وبلىستىق ءبىلىم باسقارماسىنىڭ باسشىسى سالتانات بەسپاەۆا.
«ءبىلىم-يننوۆاتسيا» جوباسىندا الماتى وبلىسىنىڭ 50 مەكتەبىنەن 65917 وقۋشى جانە 2500 پەداگوگ قامتىلادى.
