الماتى وبلىسىنىڭ پوليتسيا دەپارتامەنتى ءوز قىزدارىن زورلادى دەگەن كۇدىكتىگە قاتىستى پىكىر ءبىلدىردى، - دەپ حابارلايدى "ادىرنا" ۇلتتىق پورتالى.
الماتى وبلىستىق پوليتسيا دەپارتامەنتىنىڭ حابارلاۋىنشا، بۇل دەرەك اۋداندىق ىشكى ىستەر بولىمىنە تىركەلگەن.
"قازىرگى ۋاقىتتا 57 جاستاعى كۇدىكتى انىقتالىپ، پوليتسياعا جەتكىزىلدى. ءىستى دۇرىس شەشۋ ءۇشىن قاجەتتى جانە جەتكىلىكتى ءمان-جايلاردى زەرتتەۋدىڭ جان-جاقتىلىعىن، تولىقتىعىن جانە وبەكتيۆتىلىگىن قامتاماسىز ەتۋ ءۇشىن بارلىق قاجەتتى تەرگەۋ شارالارى جۇرگىزىلۋدە»، - دەدى الماتى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.
پد بۇل فاكتى بويىنشا بۇرىن پوليتسياعا ەشكىم حابارلاسپاعانىن اتاپ ءوتتى. تەرگەۋ بارىسى وبلىستىق دەپارتامەنت باسشىسىنىڭ ەرەكشە باقىلاۋىنا الىندى.
اتالعان جايتتى الەۋمەتتىك جەلىدە جۋرناليست ساندۋعاش دۇيسەنوۆا حابارلادى. ونىڭ ايتۋىنشا، بۇل وقيعا الماتى وبلىسىنداعى ەسىك قالاسىندا بولعان. اكەسى كامەلەتكە تولماعان ەكى قىزىن بىرنەشە جىل بويى زورلاپ كەلگەن. قىزدارى قاتتى قورقىپ قالعانىن جازدى ول.
«وسى جىلدار بويى قىزدار ەسەيگەنشە شىداپكەلگەن. زورلاۋ فاكتىلەرى بار، قىزدار وسى جىلدار بويى اۋديوجازبا جيناپ كەلگەن! الگى ادام اۋدانداعى وتە بەدەلدى ادام، اقشا بەرە مە دەپ قورقامىز»، - دەپ جازدى ساندۋعاش دۇيسەنوۆا Instagram الەۋمەتتىك جەلىسىندەگى anry_taldyk پاراقشاسىندا.
پوسموترەت ەتۋ پۋبليكاتسيۋ ۆ Instagram
