سارباز بەكبول ميراشتىڭ ولىمىنە قاتىستى كۇدىكتى ۇستالدى

1794
Adyrna.kz Telegram
فوتو: اشىق دەرەككوزدەن
فوتو: اشىق دەرەككوزدەن

جامبىل وبلىسىنداعى «ءشولدالا» شەكارا بولىمىندەگى اسكەري قىزمەتكەر بەكبول ميراشتىڭ ولىمىنە قاتىستى كۇدىكتى ۇستالدى. بۇل تۋرالى قر ىشكى ىستەر مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى ”ادىرنا” ۇلتتىق پورتالى.

قر ىشكى ىستەر مينيسترلىگىنىڭ حابارلاۋىنشا، ۇلتتىق قاۋىپسىزدىك كوميتەتىنىڭ جامبىل وبلىسى بويىنشا شەكارا قىزمەتى باسقارماسىنىڭ اسكەري قىزمەتكەرى، قاتارداعى جاۋىنگەر ب.ميراشتىڭ قايتىس بولۋى فاكتىسى بويىنشا قىلمىستىق ءىس تىركەلىپ، تەرگەۋ ءجۇرىپ جاتىر. قك-ءنىڭ 451-بابىنىڭ 2-بولىگى بويىنشا – اۋىر زارداپتارعا اكەپ سوققان بيلىكتى جانە لاۋازىمدىق وكىلەتتىكتەردى تەرىس پايدالانۋ.

«كۇدىكتى ۇستالىپ، ۋاقىتشا ۇستاۋ يزولياتورىنا قامالدى»، - دەپ حابارلادى مينيسترلىكتىڭ ءباسپاسوز قىزمەتى.

قىلمىستىق ءىس جۇرگىزۋ كودەكسىنىڭ 201-بابىنىڭ 1-بولىگىندە كوزدەلگەن سوتقا دەيىنگى تەرگەپ-تەكسەرۋ دەرەكتەرىن جاريا ەتۋگە جول بەرمەۋىنە بايلانىستى تەرگەۋدىڭ بارىسى مەن قىلمىستىق ءىستىڭ ءمان-جايلارى تۋرالى تولىعىراق اقپارات بەرىلمەيدى.

”ادىرنا” ۇلتتىق پورتالى

پىكىرلەر