الماتىدا بەلگىلى رەۆوليۋتسيونەر ءالىبي جانگەلديننىڭ ۇلى شىڭعىس جانگەلدين كوز جۇمدى، دەپ حابارلايدى “ادىرنا” ۇلتتىق پورتالى.
شىڭعىس جانگەلدين 24 مامىردا قايتىس بولدى. ولىمىنە وكپەنىڭ قابىنۋى سەبەپ بولعان.
ايتا كەتەيىك، شىڭعىس جانگەلدين 1943 جىلى ءالىبي جانگەلدين مەن سوفيا كەنجينانىڭ (قازاق اسسر وقۋ جانە ساۋدا حالىق كوميسسارى، الاش وردانىڭ بۇرىنعى كوسەمى، 1938 جىلى رەپرەسسياعا ۇشىراعان اسپانديار كەنجيننىڭ قىزى) وتباسىندا دۇنيەگە كەلگەن.
شىڭعىس جانگەلدين قازاق مەملەكەتتىك ۋنيۆەرسيتەتىنىڭ بيولوگيا فاكۋلتەتىن بىتىرگەننەن كەيىن زەرتحانادا ميكروبيولوگ بولىپ جۇمىس ىستەپ، قازاق كسر عىلىم اكادەمياسى بوتانيكا ينستيتۋتىنىڭ ماڭعىشلاق ەكسپەديتسياسىنىڭ وزەن وتريادىندا ينجەنەر بولدى. تانىمال قازاقستاندىق ميكروبيولوگ شاميس داۆيد لازارەۆيچتىڭ (بەلگىلى قازاقستاندىق جازۋشى موريس سيماشكونىڭ اكەسى) اسپيرانتۋرا تۋرالى ۇسىنىسىنا قاراماستان، 1967 جىلى ول كامچاتكاعا تىنىق مۇحيت بالىق شارۋاشىلىعى جانە مۇحيتتانۋ ينستيتۋتىنا (تينرو) جۇمىسقا كەتىپ، زەرتحانانى باسقاردى. كەيىن وتباسىلىق جاعدايعا بايلانىستى تۋعان جەرىنە ورالىپ، كازسوۆپروفتا (كاسىپوداق كەڭەسى) ەڭبەك جولىن باستادى.
شىڭعىس جانگەلديندى سوڭعى ساپارعا شىعارىپ سالۋ 26 مامىردا وتەدى.
