تۇركىستان وبلىسىندا 2 جاسار بالا وزەنگە باتىپ كەتتى

2652
Adyrna.kz Telegram
فوتو: 24.kz
فوتو: 24.kz

تۇركىستان وبلىسىندا 2 جاسار بالا وزەنگە قۇلاپ، كوز جۇمدى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى. 

4 ناۋرىز كۇنى ساعات 18.00-دە تۇركىستان وبلىستىق توتەنشە جاعدايلار دەپارتامەنتىنىڭ «112» پۋلتىنە بايدىبەك اۋدانى بورالداي اۋىلدىق وكرۋگىنىڭ جوعارعى بورالداي اۋىلىنىڭ تۇرعىندارى 2020 جىلى تۋعان بالانىڭ دەنەسىن (قۇلاعان جەردەن 1 شاقىرىم جەردەن) سۋدان الىپ شىققانى تۋرالى حابارلاما ءتۇستى.

الدىن الا مالىمەت بويىنشا، 4 ناۋرىز كۇنى كۇندىز اتا-اناسىنىڭ قاراۋىنسىز قالعان ءسابي سۋعا تۇسۋگە جابدىقتالماعان جەردە – ۇيگە جاقىن ماڭداعى وزەنگە قۇلاپ كەتكەن.

«وقيعا ورنىنا تۇركىستان وبلىسى تج دەپارتامەنتىنىڭ، كەزەكشى تەرگەۋ-جەدەل توبىنىڭ قىزمەتكەرلەرى باردى»، - دەلىنگەن مينيسترلىك مالىمەتىندە.

قۇتقارۋشىلار بالالاردى قاراۋسىز قالدىرماۋعا، قاۋىپسىزدىك ەرەجەلەرىن ساقتاۋعا شاقىرادى.

پىكىرلەر