Abaı oblysynda ekinshi kún qatarynan orman órti órshýde, - dep habarlaıdy "Adyrna" tilshisi Tótenshe jaǵdaılar mınıstrliginiń baspasóz qyzmetine silteme jasap.
Tótenshe jaǵdaılar mınıstrliginiń habarlaýynsha, 22 mamyrda saǵat 15:25-te Abaı oblysy Borodýlıha aýdanynda Aýyl stansasynan 7 shaqyrym jerde (órt Reseı Federaııasynyń aýmaǵynan, Altaı ólkesi, Novenkaıa aýylynan kóshken, 15:25-te) qurǵaq shóp órtengen. Órttiń jalpy aýmaǵy 1500 gektardy quraıdy, qurǵaq shópter men ormandar janyp jatyr.
«Eldi mekenderge tóngen qaýipke baılanysty «Berezovka» shıpajaıy men «Berezovka» qosalqy sharýashylyǵynan 277 adam óz betinshe kóshirildi. «Berezovka» shıpajaıy men «Berezovka» qosalqy sharýashylyǵynyń ornynda kúzet boıynsha kezekshilik uıymdastyryldy», - delingen habarlamada.
Orman órtin sóndirýge barlyǵy 100 tehnıka (onyń ishinde bir órt sóndirý poıyzy) men eki tikushaq, sondaı-aq 402 adam jumyldyryldy.
Sonymen qatar, 133 adam men 26 tehnıkadan turatyn Astana qalasy, Pavlodar jáne Qaraǵandy oblystary boıynsha Tótenshe jaǵdaılar departamentiniń kúshteri men quraldarynyń toby jiberildi. Qaraǵandy áýejaıynan «Qazavıapas» AQ Mı-8 tikushaǵy da kóterildi.
Bir táýlik ishinde eki tikushaq órtti aýyzdyqtaýǵa barlyǵy 157,5 tonna sý jumsady.
"Adyrna" ulttyq portaly
