الماتى قالاسىنىڭ جەتىسۋ اۋدانىندا ەكى قاباتتى قويما اۋماعىندا ءىرى ءورت شىقتى. وقيعا ورنىنا توتەنشە جاعدايلار قىزمەتى جەدەل جەتىپ، ءورتتى ءسوندىرۋ جۇمىستارى كۇشەيتىلگەن تارتىپتە جۇرگىزىلىپ جاتىر، دەپ حابارلايدى "ادىرنا".
توتەنشە جاعدايلار مينيسترلىگىنىڭ حابارلاۋىنشا، قۇتقارۋشىلار ءورتتىڭ تارالۋىنا جول بەرمەۋ ءۇشىن قويمانىڭ شاتىرىن اشىپ، نەگىزگى وشاقتارعا دەيىن جەتۋگە كىرىسكەن. ءورتتى ءتيىمدى ءسوندىرۋ ماقساتىندا عيماراتتىڭ كونسترۋكتسيالارى سۋارىنىپ، كەيبىر ەلەمەنتتەرى بۇزىلىپ، تەحنيكالىق وتكەلدەر جاسالۋدا.
وقيعا ورنىندا 80 مامان، 21 ارنايى تەحنيكا جانە الماتى قالاسى تجد-نىڭ ءورت ءسوندىرۋ اۆتوپوەزى جۇمىس ىستەپ جاتىر. قۇتقارۋ جانە ءورت ءسوندىرۋ قىزمەتتەرى بىرلەسىپ ارەكەت ەتۋدە.
قازىرگى ۋاقىتتا جاراقات العاندار نەمەسە زارداپ شەككەندەر تۋرالى مالىمەت تىركەلگەن جوق. ءورتتىڭ شىعۋ سەبەبى انىقتالىپ جاتىر.
توتەنشە قىزمەتتەر جاعدايدى تولىق باقىلاۋعا العان.
