گرەكياداعى 8 قازاقستاندىققا ورمان ورتەدى دەگەن ايىپ تاعىلدى، دەپ حابارلايدى “ادىرنا” ۇلتتىق پورتالى گرەكيانىڭ Ekathimerini باسىلىمىنا سىلتەمە جاساپ.
«گرەكيا پروكۋراتۋراسى وتكەن اپتادا سارونيك ارالىنداعى گيدرادا بولعان ءورت سالدارىنان جەكە جالدامالى ياحتادا بولعان سەگىز قازاقستاندىققا ايىپ تاعىپ وتىر»، - دەلىنگەن حابارلامادا.
ياحتادا تاعى ەكى بالا بولعانى ايتىلعان، ولارعا ەشقانداي ايىپ تاعىلماعان. شەتەلدىك باق گرەكيا بيلىگى ياحتانى جالعا الۋشىلاردان جاۋاپ الۋعا ۇلگەرمەگەندىكتەن قازاقستاننان كومەك سۇراعانىن جازادى.
«قىلمىستىق ءىس قوزعاۋعا ءورت ورنىندا تابىلعان جاڭا دالەلدەر سەبەپ بولدى. ءورت سوندىرۋشىلەر ءورت شىققان شىعاناقتا وتشاشۋلاردىڭ قالدىقتارىن تاپقانى حابارلاندى. بۇل ۋاقىتتا ياحتا كاپيتانى مەن ءبىرىنشى كومەكشىسى ۇستالدى، ال ۇستالعان باسقا ەكيپاج مۇشەلەرى شەكتەۋلەرمەن كەپىلگە بوساتىلدى»، - دەپ جازدى جۋرناليستەر.
