الماتى قالالىق توتەنشە جاعدايلار دەپارتامەنتى قازا تاپقان قىزمەتكەر ارسلان قۇرمانبەكوۆتىڭ مۇراگەرلەرىنە ونىڭ الپىس ايلىق اقشالاي قاراجاتى (5 جىلعى) – شامامەن 13 ملن تەڭگە مولشەرىندە بىرجولعى وتەماقى تولەنەتىنىن مالىمدەدى، دەپ حابارلايدى “الىرنا” ءتىلشىسى.
سونىمەن قاتار جەرلەۋگە جۇمسالعان شىعىندارىنا 600 مىڭ تەڭگە كولەمىندە وتەماقى تولەنەتىن بولادى.
«جەرلەۋ بويىنشا بارلىق شىعىنداردى الماتى قالاسىنىڭ توتەنشە جاعدايلار دەپارتامەنتى ۇيىمداستىردى. تج مينيسترلىگى پرەزيدەنت اكىمشىلىگىنە مەملەكەتتىك ناگراداعا قىزمەتتىك بورىشىن ورىنداۋ كەزىندە قازا تاپقان ءورت ءسوندىرۋشى ا.ج.قۇرمانبەكوۆتى ماراپاتتاۋ تۋرالى ۇسىنىس ەنگىزدى.
سونىمەن قاتار الماتى قالاسى اكىمدىگىنىڭ اتىنا الەۋمەتتىك كومەك تارتىبىندە ا.قۇرمانبەكوۆتىڭ اناسىنا تۇرعىن ءۇي ءبولۋ مۇمكىندىگىن قاراستىرۋ تۋرالى ءوتىنىش جولداندى»، – دەپ جازدى ۆەدومستۆودان.
تجد تاراتقان حابارلاماعا قاراعاندا، وزگە دە قوسىمشا كومەك كورسەتۋ ماسەلەلەرى پىسىقتالۋدا.
