قاسىم-جومارت توقاەۆ «ورتالىق ازيا – قىتاي» سامميتىندە قىتايمەن جان-جاقتى ىنتىماقتاستىقتى نىعايتۋ قازاقستاننىڭ ورنىقتى دامۋىنا مۇمكىندىك بەرەتىنىن ايتتى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
«قىتاي – الەمدەگى اسا ءىرى ينۆەستور جانە جاھاندىق ەكونوميكانىڭ كوشىن باستاپ تۇرعان مەملەكەتتەردىڭ ءبىرى. سوندىقتان، قىتايمەن جان-جاقتى ىنتىماقتاستىقتى نىعايتۋ قازاقستاننىڭ ورنىقتى دامۋىنا مۇمكىندىك بەرەدى.
ورتالىق ازيا ەلدەرىنىڭ الەۋەتىن قىتايدىڭ وراسان زور ەكونوميكالىق قۋاتىمەن ۇشتاستىرۋ اسا ماڭىزدى. بۇل قادام كوپ قىرلى سەرىكتeستىگىمىزگە تىڭ سەرپىن بەرەرى ءسوزسىز. ءبىزدىڭ ەلىمىز وسى ماقساتقا جەتۋ ءۇشىن بار كۇش-جىگەرىن جۇمساۋعا دايىن»،—دەدى ول.
بايانداما بارىسىندا مەملەكەت باسشىسى مەملەتتەر اراسىنداعى ورتاق مۇددەگە ساي كەلەتىن ىنتىماقتاستىقتىڭ ماڭىزدى باعىتتارىنا توقتالدى.
ولار:
1. تاۋار اينالىمىن ارتتىرۋ;
2. ەلەكتروندى ساۋدا سالاسىندا ءوزارا الىس-بەرىستى ۇلعايتۋ;
3. كولىك-لوگيستيكا ينفراقۇرىلىمىن دامىتۋ;
4. ونەركاسىپ سالاسىنداعى ىنتىماقتاستىقتى نىعايتۋ;
5. ەنەرگەتيكا سالاسىنداعى، ونىڭ ىشىندە، مۇناي-گاز سەكتورىنداعى قارىم-قاتىناستى دامىتۋ;
6. اۋىل شارۋاشىلىعى سالاسىنداعى ىقپالداستىقتى دامىتۋ;
7. ترانسشەكارالىق سۋ رەسۋرستارىن ءتيىمدى پايدالانۋ;
8. مادەنيەت جانە ءبىلىم سالاسىنداعى ىنتىماقتاستىقتى، سونداي-اق ءتۋريزمدى دامىتۋ;
9. ايماقتىڭ قاۋىپسىزدىگىن جانە تۇراقتىلىعىن قامتاماسىز ەتۋ.
