Qasym-Jomart Toqaev «Ortalyq Aziia – Qytai» sammitınde Qytaimen jan-jaqty yntymaqtastyqty nyǧaitu Qazaqstannyŋ ornyqty damuyna mümkındık beretının aitty, dep habarlaidy «Adyrna» tılşısı Aqordaǧa sılteme jasap.
«Qytai – älemdegı asa ırı investor jäne jahandyq ekonomikanyŋ köşın bastap tūrǧan memleketterdıŋ bırı. Sondyqtan, Qytaimen jan-jaqty yntymaqtastyqty nyǧaitu Qazaqstannyŋ ornyqty damuyna mümkındık beredı. Ortalyq Aziia elderınıŋ äleuetın Qytaidyŋ orasan zor ekonomikalyq quatymen ūştastyru asa maŋyzdy. Būl qadam köp qyrly serıktestıgımızge tyŋ serpın bererı sözsız. Bızdıŋ elımız osy maqsatqa jetu üşın bar küş-jıgerın jūmsauǧa daiyn»,—dedı ol.Baiandama barysynda Memleket basşysy memletter arasyndaǧy ortaq müddege sai keletın yntymaqtastyqtyŋ maŋyzdy baǧyttaryna toqtaldy.
Olar: 1. Tauar ainalymyn arttyru; 2. Elektrondy sauda salasynda özara alys-berıstı ūlǧaitu; 3. Kölık-logistika infraqūrylymyn damytu; 4. Önerkäsıp salasyndaǧy yntymaqtastyqty nyǧaitu; 5. Energetika salasyndaǧy, onyŋ ışınde, mūnai-gaz sektoryndaǧy qarym-qatynasty damytu; 6. Auyl şaruaşylyǧy salasyndaǧy yqpaldastyqty damytu; 7. Transşekaralyq su resurstaryn tiımdı paidalanu; 8. Mädeniet jäne bılım salasyndaǧy yntymaqtastyqty, sondai-aq turizmdı damytu; 9. Aimaqtyŋ qauıpsızdıgın jäne tūraqtylyǧyn qamtamasyz etu.
