ماڭعىستاۋ وبلىسى اكىمىنىڭ ورىنباسارى ماجىلىستەگى ۇكىمەت ساعاتى كەزىندە ورنىندا بولماي شىقتى، دەپ حابارلايدى “ادىرنا” ۇلتتىق پورتالى.
وتىرىستى دانيا ەسپاەۆا (ۆيتسە-سپيكەر) جۇرگىزگەن.
ول ماڭعىستاۋ وبلىسى اكىمىنىڭ ورىنباسارى ۇلىقبەك تىناليەۆتىڭ ميكروفونىن قوسۋدى سۇرادى.
الايدا ول ورنىندا بولماي شىققان. وسى كەزدە ونىڭ ورنىنا باسقا بىرەۋ قوسىلىپ، جاعدايدى تۇسىندىرۋگە تىرىسقان.
«قۇرمەتتى ارىپتەستەر، قۇرمەتتى دەپۋتاتتار، سالاماتسىزدار ما! وكىنىشە قاراي، وبلىس اكىمىنىڭ ورىنباسارى ورنىندا جوق. قازىر وبلىستا قوناقتارمەن ءجۇر ەدى»، - دەپ جاۋاپ بەردى ول.
دانيا ەسپاەۆا «وندا ءسىز جاۋاپ بەرمەي-اق قويىڭىز، سول قوناقتارىمەن جۇرە بەرسىن. اكىم ورىنباسارىنا بىزدەن سالەم ايتىڭىز، اقتاۋلىقتار قوناقجايلى، ونى بىلەمىز. سىزدەن وندا جاۋاپ كەرەك ەمەس» دەپ ميكروفوندى ءوشىرتىپ تاستاعان.
