Qazaqstan Live Fest 2023 كورمەسىنە – ءوز ىشىندە تۋريزم، سپورت جانە بەلسەندى ءومىر سالتىن بىرىكتىرگەن وقيعاعا قوش كەلدىڭىزدەر!
18-20 مامىر ارالىعىندا سىزدەردى استانا قالاسىنا قازاقستاننىڭ كورىكتى جەرلەرىنەن راقات الىپ، دەمالىڭىزدى دەنساۋلىققا دەگەن پايدامەن قالاي وتكىزۋ كەرەكتىگى تۋرالى كوبىرەك بىلۋگە شاقىرامىز.
كورمەدە قازاقستاننىڭ اقتوبە، جامبىل، پاۆلودار، تۇركىستان وبلىستارى، شىمكەنت قالاسى سەكىلدى وڭىرلەر، شىمبۇلاق تاۋشاڭعى كۋرورتى، Kazakh Tourism جانە ت.ب. ءوز ونىمدەرىن ۇسىنادى. ءاربىر ستەند تۋريستەرگە جانە ءوز وڭىرلەرىنىڭ بەلسەندى دەمالىس اۋەسقويلارىنا ارنالعان بىرەگەي مۇمكىندىكتەرىن كورسەتۋ ءۇشىن ءوز باعدارلامالارىن دايىندادى.
سونىمەن قاتار، Qazaqstan Live Fest 2023 كورمەسىندە تۋريزم مەن سپورتقا ارنالعان ەڭ جاڭا جانە يننوۆاتسيالىق تەحنولوگيالار ۇسىنىلاتىن بولادى. ەكسترەمالدى ويىن-ساۋىق پەن سپورتتىڭ جاڭا تۇرلەرىن سىناپ كورىپ، ساياحاتقا ارنالعان جاڭا باعىتتار تۋرالى ءبىلىپ، سونداي-اق سپورت شارالارىنا ارنالعان تەحنولوگيالار مەن ينفراقۇرىلىمدار سالاسىنداعى ەڭ جاڭا جەتىستىكتەردى تاماشالاي الاسىزدار.
كورمەگە Garmin, Kantai City Planning, PS Group, ماوري، Winox, Invictus فيتنەس-كلۋبتارى جانە باسقالار قاتىسادى. ولاردىڭ اربىرەۋى سپورت پەن تۋريزم سالاسىنداعى قىزمەتتەرى مەن يننوۆاتسيالىق ازىرلەمەلەرىن كورسەتەدى.
Winox, Invictus, World Class فيتنەس-كلۋبتارى فيتنەس جانە سالاۋاتتى ءومىر سالتى جونىندە كورسەتىلىم ساباقتارىن جۇرگىزەدى، سونىمەن قاتار كلۋب قوناقتارىنا ارنالعان وزدەرىنىڭ باعدارلامالارى مەن قىزمەتتەرى تۋرالى ايتادى.
كورمە اياسىندا 18 – 19 مامىر كۇندەرى تۋريزم جانە قوناقجايلىلىق ماسەلەلەرىنە بايلانىستى ەكى نەگىزگى بلوكتان تۇراتىنTRAVELHUB Kazakhstan كونفەرەنتسياسى بولادى.
18 مامىردا Travel Industry Day كونفەرەنتسياسىندا تمد ەلدەرىندە ءتۋريزمدى دامىتۋ سالاسىنىڭ ساراپتاماسى، سالالىق ستاتيستيكا جانە تۋريستىك ترەندتەر، تۋريستىك سالاداعى دەستيناتسيالىق ماركەتينگ جانە GovTech سەكىلدى سالانىڭ وزەكتى ماسەلەلەرى تالقىلانادى.
Traveltech Day كونفەرەنتسياسىنىڭ ەكىنشى كۇنى تمد ەلدەرىنىڭ تۋريستىك نارىعىنىڭ ءتۇرلى بۋىنىنداعى تەحنولوگيالار مەن دامۋ مۇمكىندىكتەرىنە ارنالادى. قوناقۇي بولىگىندەگى، ساياحاتتار مەن بەلسەندىلىك بۋىندارىنداعى Traveltech, سونداي-اق پەرسپەكتيۆتى Traveltech سەرۆيستەرى مەن ستارتاپتار ماسەلەلەرى تالقىلانادى. كونفەرەنتسياعا سالانىڭ جەتەكشى ماماندارى جينالىپ، وزدەرىنىڭ جوبالارى مەن بولاشاققا دەگەن بولجامدارىن ۇسىنادى.
ءىس-شارانى Kazakh Tourism كومپانياسى Travel Startups قاۋىمداستىعىمەن بىرلەسە ۇيىمداستىرىپ وتىر.
سونىمەن قاتار كورمە جۇمىسى كۇندەرى Qazaqstan Live Fest ەكسپوزيتسياسى اۋماعىندا Astana Half جارتىلاي مارافونىنىڭقاتىسۋشىلارىنا باستاپقى پاكەتتەر بەرىلەدى. بۇل – الەمنىڭ ءتۇرلى ەلدەرىنەن سپورتشىلاردى تارتاتىن، استانا قالاسىندا 3023 جىلدىڭ 21 مامىرىندا وتەتىن ءىرى سپورتتىق ءىس-شارا.
وسىلايشا، Astana Half جارتىلاي مارافونىنىڭ قاتىۋشىلارى وزدەرىنىڭ باستاپقى پاكەتتەرىن Qazaqstan Live Fest كورمەسى اۋماعىندا ىڭعايلى جانە تەز الىپ، ەكسپوزياتسيانى تاماشالاپ، تۋريزم جانە سپورت يندۋسترياسىنىڭ ءتۇرلى قاتىسۋشىلارىمەن تانىسا الادى.
QLF سپورتتىق باعدارلاماسىنا Invictus Fitness Astana, WINOX, World Class فيتنەس-كلۋبتارىنىڭ الدىڭعى قاتارلى فيتنەس-ترەنەرلەرىنەن جانە كلۋبتىڭ سپورت دارىگەرلەرىنەن پايدالى دارىستەر ەنەدى.
19 مامىردا "اۋەسقوي سپورتشىلار مەن جاس سپورتشىلاردىڭ تاماقتانۋى" تاقىرىبىندا ءدارىس وتەدى، ونى جوعارى مەديتسينالىق ءبىلىمى بار ءارى جۇمىس ىستەپ جۇرگەن ديەتولوگ ساۆەلەۆا ۆيكتوريا جۇرگىزەدى.
دارىستە قاتىسۋشىلار سپورتتا جوعارى دارەجەگە قول جەتكىزۋ ءۇشىن قالاي دۇرىس تاماقتانۋ كەرەكتىگى جايلى، سونداي-اق جاس سپورتشىلارعا تاماقتانۋ راتسيونىن قالايشا دۇرىس جاساۋ كەرەكتىگىن بىلە الادى.
بيوحاكەر، مارافونشى جانە ۆەلو-ساياحاتشى جانعالي كۇزەمباەۆ بيوحاكينگ تەحنولوياسى ارقىلى جاستىق پەن سەرگەكتىكتى قالاي ۇزارتۋعا بولاتىنى تۋرالى ايتىپ بەرەدى. "بيوحاكينگ – بۇل جاستىق پەن سەرگەكتىكتى ۇزارتۋ. دەنە شىنىقتىرۋ، تاماقتانۋ جانە دۇرىس ۇيقى".
WINOX فيتنەس-كلۋبى 19 مامىردا بارلىق نيەت بىلدىرۋشىلەردى "جاراقاتتانۋدىڭ الدىن-الۋ. تىزە بۋىنىنىڭ پروبلەمالارى بار اتلەتتەردىڭ ترەنينگى. وستەوارتريت جانە وستەوارتروز. تەگىرشىكتىڭ جانە تىزە بۋىندارىنىڭ بايلانىستىرۋ اپپاراتىنىڭ زاقىمدالۋى" تاقىرىبىندا ءدارىس الۋعا شاقىرادى. ءىس-شارانىڭ سپيكەرى – سپورت دارىگەرى، ەدش، رەابيليتولوگ، «امۋ» ۇبا-نىڭ كينەزيوتەراپيا كۋرسىنىڭ مەڭگەرۋشىسى لابۋنەتس اندرەي.
ءدارىس شەڭبەرىندە تىزە بۋىنى جاراقاتىنىڭ الدىن الىپ، پروبلەمالارىن قالاي تۇزەتۋگە بولاتىنى تۋرالى بىلەسىزدەر. لابۋنەتس اندرەي تىزە بۋىندارىنىڭ پروبلەمالارى بار اتلەتتەردى جاتتىقتىرۋداعى ءوزىنىڭ بىلىمىمەن جانە تاجىريبەسىمەن بولىسەدى، سونىمەن قاتار بۋىندارىڭىزعا قالاي دۇرىس كۇتىم جاساۋ كەرەكتىگى جايلى ايتادى.
سونىمەن قاتار 19 مامىردا كورمە الاڭىندا World Class فيتنەس-كلۋبتار جەلىسىنەن "Stability. بۋىنداردىڭ مىقتىلىعى مەن تابيعي قوزعالىسىن جاقسارتۋعا باعىتتالعان جاتتىعۋ" اتتى شەبەرلىك ساباعى وتەدى.
20 مامىر كۇنى "بالالىق جانە جاسوسپىرىمدىك شاقتاعى دەنە سالماعىنىڭ ارتىق بولۋى. پروبلەمالارى مەن ولاردى شەشۋ جولدارى" اتتى ءدارىس وتەدى. WINOX فيتنەس كلۋبىنىڭ اعا جاتتىقتىرۋشىسى ءارى جاتتىعۋ زالىنىڭ سۋپەرۆايزەرى اندريانوۆ الەكساندردىڭ جەتەكشىلىگىمەن وتكىزىلەتىن ساباقتا بالالار مەن جاسوسپىرىمدەردىڭ دەنەسىندە ارتىق سالماقتىڭ پايدا بولۋىنا اسەر ەتەتىن قانداي فاكتورلار بارىن جانە ارتىق سالماقپەن بايلانىستى ءتۇرلى پروبلەمالاردان ارىلۋ ءۇشىن تاماقتى جانە سپورتپەن شۇعىلدانۋدى قالاي دۇرىس تاڭداپ الۋ كەرەكتىگىن بىلەسىزدەر.
دارىستەر تەك سپورتشىلارعا عانا ەمەس، ءوز دەنساۋلىقتارىن ويلايتىن جانە بەلسەندى ءومىر سالتىن جۇرگىزەتىن بارلىق ادامدارعا پايدالى بولادى.
Qazaqstan Live Fest كورمەسى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ، استانا قالاسىنىڭ اكىمدىگىنىڭ، قازاقستاننىڭ «اتامەكەن» ۇلتتىق كاسىپكەرلەر پالاتاسىنىڭ، قازاقستان تۋريستىك اسسوتسياتسياسىنىڭ (قتا), قر وگجتنا گيدتەر مەن تۋريستىك نىساندار اسسوتسياتسياسىنىڭ، KITO, QazExpoCongress ۇلتتىق كومپانياسىنىڭ رەسمي قولداۋىمەن وتەدى.
كورمەنىڭ ستراتەگيالىق سەرىكتەسى - Kazakh Tourism ۇلتتىق كومپانياسى.
رەسمي سەرىكتەسى – Astana Half جارتىلاي مارافونى.
كورمەنىڭ رەسمي كۋرورت-سەرىكتەسى – شىمبۇلاق تاۋشاڭعى كۋرورتى، رەسمي فيتنەس-سەرىكتەسى – Invictus Go فيتنەس-كلۋبتار جەلىسى.
اقپاراتتىق سەرىكتەستەرى – داۆاي سحوديم!، National Geographic Qazaqstan, Profi. Travel, satu.kz, ECOT, بيزنەس-مير، دەلوۆىە ەميراتى; Expomap, Expoclub, Worldexpo, Totalexpo كورمە پورتالدارى.
ۇيىمداستىرۋشى: BMCA كورمە كومپانياسى.
كورمەنى تاماشالاۋ - تەگىن. قوناقتاردى تىركەۋ سايتتا سىلتەمەسى بويىنشا جۇرگىزىلەدى.
Qazaqstan LIVE Fest كورمەسى تۋرالى تولىق اقپارات الۋ ءۇشىن ۇيىمداستىرۋشىلارعا حابارلاسىڭىز!
| PR-مەنەدجەر: ايناگۇل مايلىباەۆا
ainagul.mailybayeva@bmca.kz ۇيالى تەل. +77772463636 |
