ەليزابەت تۇرسىنباەۆا مانەرلەپ سىرعاناۋدان كۇمىس الدى

1838
Adyrna.kz Telegram

قازاقستاندىق مانەرلەپ سىرعاناۋشى ۋنيۆەرسيادا-2019" جارىسىندا كۇمىس جۇلدەگەر اتاندى . كراسنويارسك قالاسىندا ءوتىپ جاتقان قىسقى ۋنيۆەرسيادا ويىندارىندا قازاقستان قورجىنى تاعى ءبىر مەدالمەن تولىقتى.

ەليزابەت تۇرسىنباەۆا مانەرلەپ سىرعاناۋدان كۇمىس جۇلدە جەڭىپ الدى دەپ حابارلايدى قر ۇوك رەسمي سايتى.  قىسقا باعدارلامادان سوڭ جەرلەسىمىز ءتورتىنشى ورىنعا تابان تىرەگەن. ەركىن باعدارلامانى ەش قاتەسىز ورىنداعان ول جالپى ەسەپتە ەكىنشى ورىنعا كوتەرىلدى.

تۇرسىنباەۆا ءوزىنىڭ ەكى رەكوردىن جاڭارتتى. ەركىن باعدارلامادان العاش رەت 147.20 ۇپاي يەلەنسە، قوسسايىس قورىتىندىسى بويىنشا 214.77 ۇپايعا قول جەتكىزدى. التىن جۇلدەنى جاپوندىق ماي ميحارا (220.68), قولانى رەسەيلىك ستانيسلاۆا كونستانتينوۆا (205.91) جەڭىپ الدى. تاعى ءبىر قازاقستاندىق سپورتشى ايزا مامبەكوۆا 124.41 ۇپايمەن 17-ءشى ورىندى قاناعات تۇتتى.

پىكىرلەر