Qazaqstandyq mánerlep syrǵanaýshy Ýnıversıada-2019" jarysynda kúmis júldeger atandy . Krasnoıarsk qalasynda ótip jatqan qysqy Ýnıversıada oıyndarynda Qazaqstan qorjyny taǵy bir medalmen tolyqty.
Elızabet Tursynbaeva mánerlep syrǵanaýdan kúmis júlde jeńip aldy dep habarlaıdy QR UOK resmı saıty. Qysqa baǵdarlamadan soń jerlesimiz tórtinshi orynǵa taban tiregen. Erkin baǵdarlamany esh qatesiz oryndaǵan ol jalpy esepte ekinshi orynǵa kóterildi.
Tursynbaeva óziniń eki rekordyn jańartty. Erkin baǵdarlamadan alǵash ret 147.20 upaı ıelense, qossaıys qorytyndysy boıynsha 214.77 upaıǵa qol jetkizdi. Altyn júldeni japondyq Maı Mıhara (220.68), qolany reseılik Stanıslava Konstantınova (205.91) jeńip aldy. Taǵy bir qazaqstandyq sportshy Aıza Mambekova 124.41 upaımen 17-shi oryndy qanaǵat tutty.
