پرەزيدەنت قاسىم-جومارت توقاەۆ قىتايدىڭ CCTV ارناسىنا بەرگەن سۇحباتىندا قازاقستاننىڭ تايۆانعا قاتىستى ۇستانىمىن ايتتى. بۇل تۋرالى اقوردانىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
تەلەارنا ءجۋرناليسى توقاەۆتىڭ تايۆان تۋرالى پىكىرىن سۇراعان.
ء"بىز بۇل الەمدەگى بارلىق ادامعا ايدان انىق ماسەلە دەپ ەسەپتەيمىز. "ەكى قىتاي" بولماۋى كەرەك. تايۆان قىتايدىڭ ءبىر بولىگى بولىپ تابىلادى. بارلىق مەملەكەتتەردىڭ اۋماقتىق تۇتاستىعى پرينتسيپى بىرىككەن ۇلتتار ۇيىمىنىڭ جارعىسىندا بەكىتىلگەن. ەرەجە ساقتالۋى كەرەك”، – دەپ جاۋاپ بەردى توقاەۆ.
مەملەكەت باسشىسى تايۆان قىتايدىڭ ءبىر بولىگى ەكەنىن بىرنەشە رەت قايتالادى.
“بۇل قاعيدا شانحاي ىنتىماقتاستىق ۇيىمىنىڭ دەكلاراتسياسى مەن جارعىسىندا دا بەلگىلەنگەن. سوندىقتان مەن تاعى دا ءبىر رەت اتاپ وتكىم كەلەدى. تايۆان قىتايدىڭ ءبىر بولىگى. جانە بۇعان ەش كۇمانىمىز جوق", - دەدى توقاەۆ.
ايتا كەتەيىك، بۇعان دەيىن پرەزيدەنت قحر-عا مەملەكەتتىك ساپارى قارساڭىندا ەلىمىزدىڭ قىتايمەن ساياسي-ەكونوميكالىق جانە مادەني-گۋمانيتارلىق ىنتىماقتاستىعىنىڭ دامۋ پەرسپەكتيۆالارىنا، قازاق-قىتاي قاتىناستارىنىڭ تاريحى مەن بۇگىنگى جاي-كۇيىنە، جاھاندىق جانە وڭىرلىك ساياساتقا قاتىستى Leaders Talk باعدارلاماسىنىڭ سۇراقتارىنا جاۋاپ بەرەتىنى حابارلاعان ەدىك.
