Prezıdent Qasym-Jomart Toqaev Qytaıdyń CCTV arnasyna bergen suhbatynda Qazaqstannyń Taıvanǵa qatysty ustanymyn aıtty. Bul týraly Aqordanyń baspasóz qyzmeti jarııalady, dep habarlaıdy “Adyrna” ulttyq portaly.
Telearna jýrnalısi Toqaevtyń Taıvan týraly pikirin suraǵan.
"Biz bul álemdegi barlyq adamǵa aıdan anyq másele dep esepteımiz. "Eki Qytaı" bolmaýy kerek. Taıvan Qytaıdyń bir bóligi bolyp tabylady. Barlyq memleketterdiń aýmaqtyq tutastyǵy prınıpi Birikken Ulttar Uıymynyń Jarǵysynda bekitilgen. Ereje saqtalýy kerek”, – dep jaýap berdi Toqaev.
Memleket basshysy taıvan Qytaıdyń bir bóligi ekenin birneshe ret qaıtalady.
“Bul qaǵıda Shanhaı yntymaqtastyq uıymynyń deklaraııasy men Jarǵysynda da belgilengen. Sondyqtan men taǵy da bir ret atap ótkim keledi. Taıvan Qytaıdyń bir bóligi. Jáne buǵan esh kúmánimiz joq", - dedi Toqaev.
Aıta keteıik, buǵan deıin Prezıdent QHR-ǵa memlekettik sapary qarsańynda elimizdiń Qytaımen saıası-ekonomıkalyq jáne mádenı-gýmanıtarlyq yntymaqtastyǵynyń damý perspektıvalaryna, qazaq-qytaı qatynastarynyń tarıhy men búgingi jaı-kúıine, jahandyq jáne óńirlik saıasatqa qatysty Leaders Talk baǵdarlamasynyń suraqtaryna jaýap beretini habarlaǵan edik.
