تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى «ارداگەرلەردى ارداقتايمىز» يگى اكتسياسىن جالعاستىرۋدا. بۇگىن وقۋشىلار ۇلى وتان سوعىسىنىڭ تىل ەڭبەككەرلەرىنە باردى.
تايسيا كارابۋت تىل ەڭبەككەرىنىڭ وقيعاسى سوناۋ سىبىردەن باستالادى. سوعىس جىلدارىندا تايسيا فەدوروۆنا اعا-اپكەلەرىمەن بىرگە بالا كەزىنەن ەڭبەك ەتتى. ولاردىڭ جۇمىسى - ماساق جيناۋ بولاتىن. 1945 جىلى اكەلەرى سوعىستان 2 توپتاعى مۇگەدەك بولىپ ورالدى. سوعىستان كەيىن قازاقستانعا تەمىر جول سالۋعا ءبىرىنشى بولىپ اتتاندى. كەيىن وتباسىمەن قازاقستانعا كوشىپ كەلگەن.
مۇندا تايسيا فەدوروۆنا جاڭا ءومىر باستادى: شىمكەنت تەحنيكۋمىن ءبىتىرىپ، تۇرمىسقا شىعىپ، تالدىقورعان قالاسىنا جۇمىسقا جىبەرىلدى. قازىر 87 جاستا، ءۇش بالاسى، بەس نەمەرەسى، ءبىر شوبەرەسى بار.
كەلەسى باعىت تامارا اپانىڭ ۇيىنە الىپ كەلدى. تامارا موسكالەۆا كىشكەنتاي كەزىنەن «سوعىس» دەگەن سۋىق ءسوزدى ەستىپ كەلگەن جان. ءالى كۇنگە دەيىن ءار ەستەلىكتەن كوزىنە جاس الادى.
نەمىستەر تامارا فەدوروۆنانىڭ ءۇيىن شتابقا اينالدىرىپ، وتباسى مونشادا تۇرۋعا ءماجبۇر بولدى، ءۇش جىلدان كەيىن ولار پارتيزان وكوپتارىندا ءومىر ءسۇردى. سوعىستان كەيىن ولار ۇلكەندەرمەن بىردەي جۇمىس ىستەدى: ورماننان اعاشتاردى تاسىپ، بيدايدىڭ ماساقتارىن جينادى.
سونداي-اق بۇل كۇنى NIS وقۋشىلارى تىل ەڭبەككەرلەرى ۆەرا گۋپانوۆا مەن زويا حرومچەنكوعا باردى.
سوعىس جىلدارىنداعى ەستەلىكتەر ۇرپاقتان-ۇرپاققا جالعاسۋدا. جىل سايىن وقۋشىلار ۇلى وتان سوعىسىنىڭ ارداگەرلەرىمەن جانە ەڭبەككەرلەرىمەن كەزدەسىپ، اكتسيالار، ازىق-تۇلىك قورجىندارىن ۇيىمداستىرادى.
