Taldyqorǵan qalasyndaǵy Nazarbaev Zııatkerlik mektebiniń oqýshylary «Ardagerlerdi ardaqtaımyz» ıgi akııasyn jalǵastyrýda. Búgin oqýshylar Uly Otan soǵysynyń tyl eńbekkerlerine bardy.
Taısııa Karabýt tyl eńbekkeriniń oqıǵasy sonaý Sibirden bastalady. Soǵys jyldarynda Taısııa Fedorovna aǵa-ápkelerimen birge bala kezinen eńbek etti. Olardyń jumysy - masaq jınaý bolatyn. 1945 jyly ákeleri soǵystan 2 toptaǵy múgedek bolyp oraldy. Soǵystan keıin Qazaqstanǵa temir jol salýǵa birinshi bolyp attandy. Keıin otbasymen Qazaqstanǵa kóship kelgen.
Munda Taısııa Fedorovna jańa ómir bastady: Shymkent tehnıkýmyn bitirip, turmysqa shyǵyp, Taldyqorǵan qalasyna jumysqa jiberildi. Qazir 87 jasta, úsh balasy, bes nemeresi, bir shóberesi bar.
Kelesi baǵyt Tamara apanyń úıine alyp keldi. Tamara Moskaleva kishkentaı kezinen «soǵys» degen sýyq sózdi estip kelgen jan. Áli kúnge deıin ár estelikten kózine jas alady.
Nemister Tamara Fedorovnanyń úıin shtabqa aınaldyryp, otbasy monshada turýǵa májbúr boldy, úsh jyldan keıin olar partızan okoptarynda ómir súrdi. Soǵystan keıin olar úlkendermen birdeı jumys istedi: ormannan aǵashtardy tasyp, bıdaıdyń masaqtaryn jınady.
Sondaı-aq bul kúni NIS oqýshylary tyl eńbekkerleri Vera Gýpanova men Zoıa Hromchenkoǵa bardy.
Soǵys jyldaryndaǵy estelikter urpaqtan-urpaqqa jalǵasýda. Jyl saıyn oqýshylar Uly Otan soǵysynyń ardagerlerimen jáne eńbekkerlerimen kezdesip, akııalar, azyq-túlik qorjyndaryn uıymdastyrady.
