ۇلتتىق قورعانىس ۋنيۆەرسيتەتىنىڭ اتاۋىنان ەكس-پرەزيدەنت نۇرسۇلتان نازارباەۆتىڭ ەسىمىن الىپ تاستاۋعا دايىندىق ءجۇرىپ جاتىر، دەپ حابارلايدى «ادىرنا» ۇلتتىق پورتالى قازتاگقا سىلتەمە جاساپ.
قازىرگى نۇسقادا وقۋ ورنى «قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتى» دەپ اتالادى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ ۇلتتىق قورىنان بالالارعا اقشالاي قاراجاتتى ەسەپتەۋ، ولاردى تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ 1-بابىنىڭ 16-تارماعى مينيسترلىكتىڭ «قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتى» رەسپۋبليكالىق مەملەكەتتىك مەكەمەسىنىڭ اتىنان «قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى» دەگەن سوزدەر الىپ تاستالسىن. قازاقستان رەسپۋبليكاسى قورعانىس مينيسترلىگى»، - دەلىنگەن ۇسىنىلىپ وتىرعان تۇزەتۋدىڭ نەگىزدەمەسىندە.
2022 جىلعى قاڭتارداعى قاندى وقيعادان كەيىن قازاقستان نازارباەۆقا ونىڭ ىقپالىنىڭ ساقتالۋىنا اسەر ەتكەن ءتۇرلى وكىلەتتىكتەر مەن مارتەبەلەر بەرەتىن نورماتيۆتىك قۇقىقتىق اكتىلەردەن ايىرىلۋ ماسەلەسىن قاراستىرا باستادى. وسىنداي سوڭعى وزگەرىستەردىڭ قاتارىندا 4 شىلدەدە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپتىك بىلىكتىلىك، مەملەكەتتىك ناگرادالار، الەۋمەتتىك قامسىزداندىرۋ جانە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا پرەزيدەنت قاسىم-جومارت توقاەۆ قول قويدى. نازارباەۆتى ونىڭ ەسىمى بويىنشا قۇرىلىمداردىڭ قامقورشىلىق كەڭەستەرىنىڭ باسشىسى مارتەبەسىنەن ايىرۋدى ماقۇلدادى.
بۇعان دەيىن نازارباەۆ تاعى ءبىر ستراتەگيالىق ۇستانىمىنان ايىرىلۋى مۇمكىن دەپ حابارلانعان بولاتىن. سونىمەن قاتار قاراشادا توقاەۆتىڭ نازارباەۆ باسقارعان «سامۇرىق-قازىنا» قورىنىڭ باسقارماسىن تاراتقانى بەلگىلى بولدى.
«ادىرنا» ۇلتتىق پورتالى
