Qazir Qazaqstannyń eks-prezıdenti Nursultan Nazarbaev kanelıarııasynyń burynǵydaı yqpaly joq. Bul týraly Senat tóraǵasy Máýlen Áshimbaev aıtty, dep habarlady “Adyrna” ulttyq portaly.
BAQ ókili Máýlen Áshimbaevqa «Qazir burynǵy memleket basshysy Nursultan Nazarbaev kanelıarııasynyń keregi bar ma? Oǵan mıllıardtaǵan qarjy bólinedi» dep suraq qoıdy.
Tóraǵa onda qysqartý bolǵanyn, burynǵydaı yqpaly joǵyn atap ótti.
“Meniń bilýimshe, kanelıarııanyń kólemi qysqarǵan.. Onda jumys istep jatqan adamdardyń sany da kúrt azaıdy. Osyǵan baılanysty bıýdjetti qaraǵanda qarjy (bólý) máselesin qaraıtyn shyǵarmyz. Onda burynǵydaı biraz adam jumys istep jatqan joq, ári qazir úlken fýnkııalary da joq... Burynǵydaı siz aıtqan mlrd-taǵan qarjy (bólinetin), fýnkııasy bar, memlekettik organdarmen jumys isteıtin ınstıtýt týraly áńgime joq”, - dedi ol Senattyń jalpy otyrysynan soń.
Aıta keteıik, 2022 jyly Qazaqstannyń tuńǵysh prezıdenti Nursultan Nazarbaevtyń keńsesinde shtat sany 40 paıyz qysqardy. Qazir keńsedegi shtat sany – 30 birlik.
