Jeńis kúni qarsańynda Qyzylorda oblysy Shıeli aýdan ortalyǵyndaǵy ardager Sársenbek Baıjanovqa Syr jurtshylyǵy kólik syılady, dep habarlaıdy «Adyrna» tilshisi.
Aımaq basshysy Nurlybek Nálibaev aqsaqaldyń úıine baryp, ony ǵasyrlyq mereıtoıymen quttyqtady.
«Qazaqta «qos toıyń qabat bolsyn, eki dúnıeń abat bolsyn» deıdi. Bıyl sizdiń 100 jasqa tolýyńyzben qatar Uly Jeńistiń 78 jyldyǵyn da toılaýdamyz. 9 mamyrdy Uly Jeńis merekesi desek te, oǵan jetetin joldyń qanshalyqty aýyr bolǵanyn búgingi urpaq eshqashan umytpaıdy. Týǵan eldiń táýelsizdigi men bostandyǵy úshin janyn qıǵan bozdaqtarymyzdy biz máńgi este saqtaımyz. Maıdan dalasynda Otan úshin keýdeni oqqa tosqan erlikterińiz ben qaısarlyqtaryńyz úshin bas ıip alǵys bildiremiz», - dedi oblys ákimi.
Ǵasyr kýágeri Sársenbek Baıjanuly bereke-birlik bar jerde ǵana istiń alǵa basatynyn aıtyp, aq batasyn berdi.
Aıta keteıik, qazirgi tańda oblysta 6 Uly Otan soǵysynyń ardageri bar.
