Sauda.e-qazyna.kz ەلەكتروندى ساۋدا پورتالىندا پەريزات قايراتتىڭ MERSEDES-BENZ S450 ماركالى اۆتوكولىگى ساتىلىمعا شىعارىلدى. كولىكتىڭ قۇنى 79 415 000 تەڭگە دەپ كورسەتىلگەن، دەپ حابارلايدى "ادىرنا".
اۆتوكولىك مەملەكەتتىك زاڭدى تۇلعالاردىڭ بالانسىنا بەرىلۋى دە ىقتيمال. سونىمەن قاتار ءبىر عانا تۇلعاعا ساتۋعا رۇقسات ەتىلەدى. وتىنىشتەر 7 ساۋىرگە دەيىن قابىلدانادى.
قۇجاتتا جازىلعانداي، قۇقىق قورعاۋ جانە ارناۋلى مەملەكەتتىك ورگاندارعا، سونداي-اق قر پرەزيدەنتىنىڭ، مەملەكەتتىك ساياسي قىزمەتشىلەردىڭ، قر پارلامەنتى دەپۋتاتتارىنىڭ، مەملەكەتتىك ورگاندار مەن ولاردىڭ اپپاراتى قىزمەتكەرلەرىنىڭ قىزمەتىن قامتاماسىز ەتەتىن ورگاندارعا بۇل مۇلىك بەرىلمەيدى.
حابارلاندىرۋدا اۆتوكولىكتىڭ 2024 جىلى شىققانى، ءتۇسى قارا، ال مەملەكەتتىك ءنومىرى 777KPK01 ەكەنى جازىلعان. بۇل سيپاتتاما قر قارجىلىق مونيتورينگ اگەنتتىگى 2024 جىلدىڭ جەلتوقسان ايىندا جاريالاعان ۆيدەوداعى پەريزات قايراتتان تاركىلەنگەن كولىكپەن سايكەس كەلەدى.
سونىمەن بىرگە جىلجىمالى مۇلىكتىڭ «Pandora» سيگناليزاتسيالى كىلتى بار، شاناق ءنومىرى W1K2231611A132480, اككۋمۋلياتورى وشكەن (تەحنيكالىق جاعدايىن تەكسەرۋ مۇمكىن ەمەس).
MERSEDES-BENZ S450 كولىگىنە تىيىم سالىنعان. ول قازىر استانادا تۇر. ال ساتۋشى – قر قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنىڭ استانا قالاسى مەملەكەتتىك مۇلىك جانە جەكەشەلەندىرۋ دەپارتامەنتى.
ەسكە سالايىق، پەريزات قايرات 10 جىلعا، اناسى 7 جىلعا سوتتالعان بولاتىن.
