2023 جىلعى I توقساندا اتاۋلى جالاقىنىڭ ورتاشا ءمانى 340 636 تەڭگەنى قۇرادى. بۇل تۋرالى ۇلتتىق ستاتيستيكا بيۋروسى ايتتى، دەپ حابارلايدى «ادىرنا» ءتىلشىسى.
باسقارمانىڭ مالىمدەۋىنشە، وتكەن جىلمەن سالىستىرعاندا ءوسىم 19,3%-دى، ناقتى ماندە – 0,6% تومەندەدى. مەديانا جالاقىسى (جالاقى قاتارىنىڭ ورتالىق دەڭگەيى) 2023 جىلعى ءى توقساندا باعالاۋ بويىنشا 225 736 تەڭگەنى قۇرادى.
«2022 جىلمەن سالىستىرعاندا ورتاشا ايلىق جالاقىنىڭ ەڭ جوعارى ءوسىمى قۇرىلىستا – 34,5%، اقپارات جانە بايلانىستا– 30,3%، تۇرۋ جانە تاماقتانۋ بويىنشا قىزمەت كورسەتۋ – 29,2% سالالارىندا بايقالدى. سالالار بولىنىسىندە ەڭ جوعارى جالاقى مولشەرى تاۋ-كەن ءوندىرۋ سالاسىنداعى – 766 555تگ، ودان ءارى قارجى جانە ساقتاندىرۋ سەكتورىندا – 602 114تگ، سونداي-اق اقپارات جانە بايلانىس سالاسىندا بولدى – 541 218تگ. ورتاشا جالاقىنىڭ ەڭ تومەنگى دەڭگەيى سۋمەن جابدىقتاۋ، قالدىقتاردى جيناۋ جانە وڭدەۋ – 201 884 تگ، سونداي-اق جانە اۋىل، ورمان جانە بالىق شارۋاشىلىعىندا – 179 388 تەڭگە»،—دەلىنگەن حابارلامادا.
