قىرعىزستاندا اۋە قورعانىسى كۇشتەرىنىڭ مي-8 تىكۇشاعى اپاتقا ۇشىرادى، دەپ حابارلايدى "ادىرنا" ۇلتتىق پورتالى "24.kg" باسىلىمىنا سىلتەمە جاساپ.
بۇقارالىق اقپارات قۇرالدارىنىڭ حابارلاۋىنشا، وقيعا الاي ايماعىندا بولعان. اۋە شابۋىلىنا قارسى قورعانىس كۇشتەرىنىڭ تىكۇشاعى تاجىكستانمەن شەكارالاس ايماققا باعىت العانى كورسەتىلگەن. الدىن الا مالىمەتتەر بويىنشا، قازىرگى ۋاقىتتا اپاتتان ءتورت ادام زارداپ شەككەن.
"بورتتا 15 ادام بولعان. قازىرگى ۋاقىتتا تەك ءتورت ادام زارداپ شەككەن، ولارعا كومەك كورسەتىلىپ جاتىر", - دەدى اقپارات كوزدەرى.
قورعانىس مينيسترلىگىنىڭ ءباسپاسوز اقپاراتقا قاتىستى تۇسىنىكتەمە بەرمەگەن.
