وبلىس اكىمى ورىنباسارىنىڭ اكەسى ءوز جەرىن مەملەكەتكە ءماجبۇرلى تۇردە قايتارىپ جاتىر

3095
Adyrna.kz Telegram
جامبىل وبلىسى اكىمىنىڭ ورىنباسارى، سارىسۋ اۋدانىندا ەكى رەت اكىم بولعان قاناتبەك مادىبەكتىڭ اكەسىنە تيەسىلى جەت تەلىمى مەملەكەتكە ءماجبۇرلى تۇردە قايتارىلىپ جاتىر، دەپ  حابارلايدى "ادىرنا" ۇلتتىق پورتالى TURANINFO.KZ اقپارات اگەنتتىگىنە سىلتەمە كورسەتىپ. 
قاناتبەك مادىبەكتىڭ اكەسى قايشىبەك ماديبەكوۆ «اقتوعاي» شارۋا قوجالىعىنىڭ توراعاسى سانالادى.
قازىر جامبىل وبلىسىنىڭ  ەكونوميكالىق سوتىندا قايشىبەك ماديبەكوۆ، تالعات ناحانوۆ، تالعات نوعايباەۆ، مۋرات اكباەۆ، بەرديبەك جۋماتاەۆتىڭ جەرلەرىن مەملەكەت مۇقتاجى ءۇشىن ءماجبۇرلى تۇردە قايتارىپ الۋعا بايلانىستى ازاماتتىق ءىس قوزعالدى.

ازاماتتىق ءىس بويىنشا “سارىسۋ اۋدانى اكىمدىگى جەر قاتىناستارى ءبولىمى” كمم باسشىسى ەربولات ۇزاقبەكوۆكە تومەندەگىدەي مالىمدەمە جاسادى.

“يندۋستريالدى كارتاعا سايكەس "ەۆروحيم" بولۋى ءتيىس [مينەرالدى تىڭايتقىشتار شىعارۋ زاۋىتى]. قازاقستان مەن رەسەي ۇكىمەتى اراسىنداعى كەلىسىمشارت جاسالىنعان، سول كەلىسىمشارتتا جەردى "ەۆروحيم" قامتاماسىز ەتەدى دەلىنگەن. وزىنە مىندەتتەمە العان. سول سەبەپتى زاڭ تالابىنا سايكەس بارلىق كەلىسىمگە كەلىسۋ ءۇشىن شارالار ءوتتى.  مەملەكەتكە قايتاتىن 37 گەكتار بار. بەس ادامعا تيەسىلى.  جەردىڭ ءبارى “بوگارا”. جايقالىپ تۇرعان جەر ەمەس. ءاربىر ادامعا ءۇش گەكتاردان، توعىز گەكتاردان ءتيىپ تۇر. كوبى ەگىن ەكپەگەن.  ءبىر ەكەۋى جوڭىشقا ەگىپ قويعان”، - دەدى ەربولات ۇزاقبەكوۆ.

"ادىرنا" ۇلتتىق پورتالى

پىكىرلەر