اقش ادىلەت مينيسترلىگى كريپتوبيرجالىق ءىرى قۇرىلىم Binance-كە قاتىستى تەرگەۋدى باستادى. كومپانيا رەسەيلىكتەرگە سانكتسيالاردى اينالىپ وتۋگە كومەكتەسىپ، پايدا تاپتى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى "Bloomberg"-كە سىلتەمە كورسەتە وتىرىپ.
تەرگەۋدە Binance شەنەۋنىكتەرىنىڭ رەسەيدىڭ ۋكرايناعا باسىپ كىرۋىنە بايلانىستى قويىلعان سانكتسيالاردى بۇزىپ-بۇزباعانى انىقتالماق.
الايدا Binance بارلىق امەريكالىق جانە حالىقارالىق سيپاتتاعى قارجىلىق سانكتسيالاردى تولىعىمەن ورىنداپ وتىرعانىن مالىمدەدى. حابارلامادا:
"2021 جىلى Binance كورپوراتيۆتىك باسقارۋ قۇرىلىمىن تولىعىمەن قايتا قۇرۋدى قولعا الدى. ونىڭ ىشىندە بيرجانىڭ جاھاندىق قىزمەتىن تۇبەگەيلى وزگەرتۋ ءۇشىن الەمدىك دەڭگەيدەگى تاجىريبەلى باسشىلاردى سەرىكتەستىككە تارتۋ جايلى باستاما كوتەردى", — دەلىنگەن.بيرجا وكىلدەرى قوسىمشا تىركەۋلەرگە، ءانونيمدى تۇلعالارعا جانە جاسىرىن اقشا كوزدەرىن اشۋعا قاتاڭ تىيىم سالىپ، اسا ساقتىقپەن قارايتىنىن ەسكە سالدى. ورايى كەلگەندە ايتا كەتەيىك، 2022 جىلدىڭ ءساۋىر ايىندا Binance ەۋروپالىق وداقتىڭ بەسىنشى سانكتسيالار پاكەتىنە سايكەس ارنايى شەكتەۋ شارتىن بەلگىلەدى. ناتيجەسىندە، رەسەيلىكتەر ءۇشىن وپەراتسيالار جۇرگىزۋ ءليميتى 10 مىڭ ەۋروعا ءتۇستى. بىراق ءبىر جىلدان كەيىن، 2023 جىلدىڭ ءساۋىر ايىنىڭ ورتاسىندا، بۇل شەكتەۋلەر الىنىپ تاستالدى. بىراق رەسەي ازاماتتارى ءۇشىن P2P ساۋداسى ارقىلى شوتتاردان دوللار مەن ەۋرو الۋعا تىيىم سالىندى.
"ادىرنا" ۇلتتىق پورتالى
ۇقساس جاڭالىقتار
اقش
ەكونوميكا
بيرجا
سانكتسيا
بايدەن
كريپتوبيرجا
#كريپتوۆاليۋتا
سانكتسيا سالقىنى
الەمدىك ساياسات
Binance
