AQSh Ádilet mınıstrligi krıptobırjalyq iri qurylym Binance-ke qatysty tergeýdi bastady. Kompanııa reseılikterge sankııalardy aınalyp ótýge kómektesip, paıda tapty degen kúdikke ilindi, dep habarlaıdy "Adyrna" ulttyq portaly "Bloomberg"-ke silteme kórsete otyryp.
Tergeýde Binance sheneýnikteriniń Reseıdiń Ýkraınaǵa basyp kirýine baılanysty qoıylǵan sankııalardy buzyp-buzbaǵany anyqtalmaq.
Alaıda Binance barlyq amerıkalyq jáne halyqaralyq sıpattaǵy qarjylyq sankııalardy tolyǵymen oryndap otyrǵanyn málimdedi. Habarlamada:
"2021 jyly Binance korporatıvtik basqarý qurylymyn tolyǵymen qaıta qurýdy qolǵa aldy. Onyń ishinde Bırjanyń jahandyq qyzmetin túbegeıli ózgertý úshin álemdik deńgeıdegi tájirıbeli basshylardy seriktestikke tartý jaıly bastama kóterdi", — delingen.
Bırja ókilderi qosymsha tirkeýlerge, anonımdi tulǵalarǵa jáne jasyryn aqsha kózderin ashýǵa qatań tyıym salyp, asa saqtyqpen qaraıtynyn eske saldy.
Oraıy kelgende aıta keteıik, 2022 jyldyń sáýir aıynda Binance Eýropalyq odaqtyń besinshi sankııalar paketine sáıkes arnaıy shekteý shartyn belgiledi. Nátıjesinde, reseılikter úshin operaııalar júrgizý lımıti 10 myń eýroǵa tústi. Biraq bir jyldan keıin, 2023 jyldyń sáýir aıynyń ortasynda, bul shekteýler alynyp tastaldy. Biraq Reseı azamattary úshin P2P saýdasy arqyly shottardan dollar men eýro alýǵa tyıym salyndy.
"Adyrna" ulttyq portaly
