قاسىم-جومارت توقاەۆ اقش-تىڭ تاۋەلسىزدىك كۇنىنە وراي دجوزەف بايدەنگە قۇتتىقتاۋ جەدەلحاتىن جولدادى، دەپ جازادى "ادىرنا" ءتىلشىسى. بۇل تۋرالى اقوردا ءباسپاسوز قىزمەتى مالىمدەدى.
پرەزيدەنت قازاقستان مەن امەريكانىڭ قاۋىپسىزدىكتى قامتاماسىز ەتۋ، ەنەرگەتيكا، ينۆەستيتسيا تارتۋ، كليماتتىڭ وزگەرۋىنە قارسى كۇرەس سالالارىنداعى كەڭەيتىلگەن ستراتەگيالىق سەرىكتەستىكتىڭ جانە ەكى ەل حالىقتارى اراسىنداعى قاتىناستاردىڭ قارقىندى دامىپ كەلە جاتقانىن اتاپ ءوتتى.
مەملەكەت باسشىسى ءوز جەدەلحاتىندا ورتالىق ازيا ايماعىنىڭ قاۋىپسىزدىگى مەن ءوزارا بايلانىسىن نىعايتۋعا قولداۋ كورسەتكەنى ءۇشىن ريزاشىلىعىن ءبىلدىردى.
سونىمەن قاتار قاسىم-جومارت توقاەۆ بارلىق سالاداعى ىنتىماقتاستىقتىڭ ودان ءارى تابىستى دامي بەرەتىنىنە سەنىم ءبىلدىردى.
"ادىرنا" ۇلتتىق پورتالى
