«AMANAT» پارتياسىنىڭ «وركەنيەت» فيليالىنا وتىز جاستاعى كامشاتتىڭ (اتى وزگەرتىلدى) وتباسى جۇگىندى. كامشاتتى كولىك قاعىپ كەتىپ، اۋىر جاراقات العان. «AMANAT» پارتياسىنىڭ قىزمەتكەرلەرى وعان ەم الۋعا كومەكتەستى.
كامشات تابىس تابۋ ءۇشىن استانادان دۋبايعا كەتىپ، جەرگىلىكتى وتباسىنا بالا كۇتۋشىسى بولىپ جۇمىسقا ورنالاسقان. وكىنىشكە قاراي، سول جاقتا كولىك قاعىپ كەتەدى دە، ول كوپ جاراقات الادى. سۇيەكتەرى سىنىپ، باسسۇيەگى جاراقاتتانعان. دۋبايدا وعان جۇمىس بەرۋشىنىڭ ەسەبىنەن وتا جاسالعان. بىراق وڭالتۋ جانە ودان كەيىنگى تەراپيا كۋرسىنان ءوتۋ مۇمكىن بولمادى. جاعدايىنىڭ اۋىرلىعىنا قاراماستان، كامشات ءوز وتانىنا ورالدى. جابىرلەنۋشىنىڭ اناسى ايناش (اتى وزگەرتىلدى) كومەك سۇراپ استاناداعى «AMANAT» پارتياسىنىڭ «وركەنيەت» فيليالىنا جۇگىندى.
«اناسى زەينەتكەر، جولداسى قايتىس بولعان. ءۇش بالانى جالعىز ءوزى تاربيەلەپ وتىر. كامشات بالالارىنىڭ ۇلكەنى. ولاردا ءمامس-كە قاتىستى ماسەلەلەر تۋىندادى، كەيبىر قۇجاتتارى بولمادى. دەگەنمەن، ءبىز ولارعا كومەك قولىن سوزىپ، وعان ۇلتتىق تراۆموتولوگيا جانە ورتوپەديا ورتالىعىندا تەكسەرۋ، جوعارى ساناتتى مامانداردىڭ كەڭەسىن الۋعا جاعداي جاسادىق»، – دەدى فيليالدىڭ اتقارۋشى حاتشىسى ماريا وتەباەۆا.
