ەرلان قوشانوۆ – "ماعجان دەگەندە ۇلتىمىزدىڭ اياۋلى بولمىسى كوز الدىمىزعا كەلەدى"

2270
Adyrna.kz Telegram

«AMANAT» پارتياسىنىڭ توراعاسى ەرلان قوشانوۆ ۇلتىمىزدىڭ ۇلى اقىنى ماعجان جۇماباەۆتىڭ تۋعانىنا 130 جىل تولۋىنا وراي باستاۋ العان «مەن جاستارعا سەنەمىن!» اتتى اكتسياعا ءۇن قوستى. وعان اتالعان چەللەندجدى اقىن كىندىك كەسكەن سارىتومار اۋىلىنىڭ 7 سىنىپ وقۋشىسى جاسمين قالدىبەك جولدادى.

«وسى مەرەيلى داتانى ماعجاننىڭ جەرلەستەرى – ءبىزدىڭ بالالارىمىز باستاپ بەرىپ جاتقانىنا ەرەكشە قۋانىشتىمىن. ماعجان دەگەندە ۇلى اقىن عانا ەمەس، ۇلتىمىزدىڭ تار جول، تايعاق كەشكەن تاعدىرى، بار اياۋلى بولمىسى كوز الدىمىزعا كەلەدى»، – دەگەن ەرلان قوشانوۆ اقىننىڭ «اتاقتى اقىن – ءسوزى التىن حاكىم ابايعا» ولەڭىنەن ءۇزىندى وقىدى.

ءسوز سوڭىندا پارتيا توراعاسى ەستافەتانى قازاقستان جازۋشىلار وداعىنىڭ توراعاسى، اقىن ۇلىقبەك ەسداۋلەتكە جانە قازاق ءتىلىن دامىتۋعا زور ۇلەس قوسىپ جۇرگەن وتانداسىمىز ولگا سپيريناعا جولدادى.

"ادىرنا" ۇلتتىق پورتالى 

پىكىرلەر