«AMANAT» partııasynyń «Órkenıet» fılıalyna otyz jastaǵy Kámshattyń (aty ózgertildi) otbasy júgindi. Kámshatty kólik qaǵyp ketip, aýyr jaraqat alǵan. «AMANAT» partııasynyń qyzmetkerleri oǵan em alýǵa kómektesti.
Kámshat tabys tabý úshin Astanadan Dýbaıǵa ketip, jergilikti otbasyna bala kútýshisi bolyp jumysqa ornalasqan. Ókinishke qaraı, sol jaqta kólik qaǵyp ketedi de, ol kóp jaraqat alady. Súıekteri synyp, bassúıegi jaraqattanǵan. Dýbaıda oǵan jumys berýshiniń esebinen ota jasalǵan. Biraq ońaltý jáne odan keıingi terapııa kýrsynan ótý múmkin bolmady. Jaǵdaıynyń aýyrlyǵyna qaramastan, Kámshat óz Otanyna oraldy. Jábirlenýshiniń anasy Aınash (aty ózgertildi) kómek surap Astanadaǵy «AMANAT» partııasynyń «Órkenıet» fılıalyna júgindi.
«Anasy zeınetker, joldasy qaıtys bolǵan. Úsh balany jalǵyz ózi tárbıelep otyr. Kámshat balalarynyń úlkeni. Olarda MÁMS-ke qatysty máseleler týyndady, keıbir qujattary bolmady. Degenmen, biz olarǵa kómek qolyn sozyp, oǵan ulttyq Travmotologııa jáne ortopedııa ortalyǵynda tekserý, joǵary sanatty mamandardyń keńesin alýǵa jaǵdaı jasadyq», – dedi fılıaldyń atqarýshy hatshysy Marııa Ótebaeva.
