قىزىلوردا قالاسىندا دۇكەننىڭ توبەسى قۇلاپ، وزبەكستان ازاماتى قازا تاپتى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
قايعىلى وقيعا بۇگىن ساعات 15:11-دە بولدى. قالاداعى تورەقۇلوۆ كوشەسىنىڭ بويىندا جاڭادان سالىنىپ جاتقان ەكى قاباتتى دۇكەننىڭ توبەسى قۇلاعان.
”وقيعا ورنىندا قۇرىلىس جۇمىستارىن جۇرگىزىپ جاتقان 1996 جىلعى وزبەكستاندىق قازا تاپتى. تجد جەدەل قۇتقارۋ جاساعىنىڭ كۇشىمەن ءمايىت ءۇيىندى استىنان شىعارىلدى”، - دەپ جازىلعان حابارلامادا.
