كريمينالدىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا قالا اۋماعىندا بىرنەشە رەت ۇرلىق قىلمىسىن جاساعان 30 جاستاعى ەر ادامدى ۇستادى، دەپ حابارلايدى "ادىرنا".
تەكسەرۋ بارىسىندا كۇدىكتىنىڭ قالاداعى بىرنەشە ازىق-تۇلىك دۇكەندەرىنىڭ كاسسالارىنان ءارتۇرلى كولەمدەگى اقشانى جاسىرىن جىمقىرعانى انىقتالدى.
ونىڭ ىشىندە سوڭعى جاساعان ۇرلىعىندا دۇكەن كاسساسىنان 2,5 ملن تەڭگە كولەمىندەگى اقشانى كولدى ەتكەنى بەلگىلى بولدى. اتالعان دەرەك بويىنشا سوتقا دەيىنگى تەرگەپ-تەكسەرۋ باستالعان.
قازىرگى ۋاقىتتا كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى قولدانىلىپ، كىلمىستىق ءىس سوتقا جولداندى.
وزگە اقپارات قىلمىستىق-پروتسەستىك كودەكستىڭ 201-بابىنا سايكەس جاريالانۋعا جاتپايدى. پوليتسيا ۇرلىق قىلمىستارىنىڭ الدىن الۋ ماقساتىندا ازاماتتار مەن كاسىپكەرلەردى جەكە مۇلىكتىڭ ساقتالۋىنا جاۋاپكەرشىلىكپەن قاراۋعا شاقىرادى.
