كەزدەسۋ بارىسىندا قىسقا مەرزىمدى جوسپارلارداعى – تۋريزم جانە اۋىل شارۋاشىلىعى، ۇزاق مەرزىمدى جوسپارلارداعى – بالامالى ەنەرگەتيكا، تكش، ءبىلىم بەرۋ جانە "G4City" قۇرىلىسى شەڭبەرىندە اۋقىمدى ينۆەستيتسيالىق جوبالار تالقىلاندى.
سينگاپۋر مەن قازاقستاننىڭ، اتاپ ايتقاندا الماتى وبلىسىنىڭ ىنتىماقتاستىعىنىڭ بولاشاعى وسىنداي. ايتا كەتۋ كەرەك، ەكى مەملەكەت اراسىنداعى ەكىجاقتى تاۋار اينالىمى وتكەن جىلدىڭ وزىندە 65%-عا ارتىپ، 1,9 ملرد دوللاردى قۇرادى، - دەپ حابارلايدى Qonaev-gorod الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.
قاتىسۋشىلار ۇنەمى تىعىز ىنتىماقتاستىققا دايىن ەكەندىكتەرىن كورسەتە بىلدى. بۇل بايلانىس ەكىجاقتى كەلىسسوزدەر، ساپارلار، ءبىلىم بەرۋ جانە مادەني جوبالاردى جۇزەگە اسىرۋ ءۇشىن كوپ كومەگىن تيگىزبەك. جاقىندا الماتى وبلىسىنىڭ اكىمى مارات سۇلتانعازيەۆ سينگاپۋردىڭ ساۋدا جانە يندۋستريا مينيسترلىگىنىڭ دەلەگاتسياسىمەن كەزدەستى.
قۇتتىقتاۋ سوزىندە دەلەگاتسيا باسشىسى، ساۋدا جانە يندۋستريا مينيسترلىگىنىڭ دامۋشى نارىقتار دەپارتامەنتىنىڭ ديرەكتورى دەنيز پەرەيرا:
ء"بىر اي بۇرىن قازاقستان پرەزيدەنتى قابىلداعان ەرەكشە ەكونوميكالىق ايماق قۇرۋ تۋرالى شەشىم سينگاپۋرلىق كومپانيالاردى جەرگىلىكتى نارىقتارعا شىعۋعا ىنتالاندىرادى. سونىمەن قاتار، ۇكىمەت ازىق-تۇلىك تاۋارلارىن بالاما جەتكىزۋشىلەردى ىزدەۋگە مۇددەلى", - دەپ ءوز ويىن جەتكىزدى.
جاسىراتىنى جوق، سينگاپۋر ازىق-تۇلىكتىڭ كوپ بولىگىن وندىرمەيدى، بىراق ونى سىرتتان اكەلەدى. اۋىل شارۋاشىلىعى ونىمدەرىن ەكسپورتتاۋعا الماتى وبلىسى دا مۇددەلى.
"قازاقستاننىڭ بەس تۇرعىنىنىڭ تورتەۋى اۋىلدىق جەرلەردە تۇرادى. سوندىقتان وسىمدىك شارۋاشىلىعى، مال شارۋاشىلىعى دامىعان", - دەدى الماتى وبلىسىنىڭ اكىمى مارات سۇلتانعازيەۆ.
ء"بىز قۇس، ءىرى قارا مال ەتىن، كوكونىستەر مەن جەمىستەردى، ءسۇت ونىمدەرىن جەتكىزە الامىز. الايدا ساۋدا تىزبەگىن قۇرۋ ءۇشىن سينگاپۋرلىق سەرتيفيكاتتاۋ ماماندارى وسى جەردە جۇمىس ىستەۋى نەمەسە قازاقستاندا قىزمەتكەرلەردى وقىتۋى قاجەت", - دەدى دەلەگاتسيا وكىلدەرى.
الماتى وبلىسىنىڭ اكىمى تۋريزم سالاسىندا ءوزارا ءىس-قيمىلدى بارىنشا جەدەل جولعا قويۋعا بولاتىنىن اتاپ ءوتتى. مۇندا ەكى مەملەكەتتىڭ دە الەۋەتى زور. جاقىن ارادا الماتى وبلىسىندا تاۋ ءتۋريزمىن دامىتۋعا، سونداي-اق قاپشاشاي سۋ قويماسىنىڭ اينالاسىنداعى كۋرورتتىق ايماقتى جايلاستىرۋعا باسا نازار اۋدارىلاتىن بولادى.
ء"بىزدى ەكوتۋريزمدى دامىتۋدىڭ بولاشاق جوسپارلارى قىزىقتىرادى جانە ءبىز ءۇش-بەس جىلعا ارنالعان ۇزاق مەرزىمدى تۇجىرىمدامامەن تانىسقىمىز كەلەدى. قازىردىڭ وزىندە وسى پروتسەستى پيلوتتىق جوبالاردان باستاۋعا بولادى. ال بولاشاقتا دەمونستراتسيالىق الاڭ ءبىزدىڭ بيزنەس ءۇشىن ۇلگى بولا الار ەدى", - دەپ اتاپ ءوتتى"Singapore Cooperation Enterprise" ورتالىق جانە وڭتۇستىك-شىعىس ازياداعى حالىقارالىق ارىپتەستىك جونىندەگى ديرەكتورى ەريك لي.
وسىعان بايلانىستى سينگاپۋر مەن قازاقستان اراسىندا تىكەلەي رەيستەردى اشۋ تۋرالى وتە ماڭىزدى ماسەلەسى قوزعالدى. الايدا دەنيز پەرەيرا بۇل مەملەكەتتىك ورگانداردىڭ قۇزىرەتى ەمەس، بۇل تۋرالى كوممەرتسيالىق تاسىمالداۋشى كومپانيالار شەشىم قابىلدايتىنىنا نازار اۋداردى.
ينۆەستيتسيا تارتۋعا مۇددەلى تۇرعىن ءۇي-كوممۋنالدىق شارۋاشىلىق، جاسىل ەنەرگەتيكا، ءبىلىم بەرۋ جانە ەكولوگيا سالالارىنىڭ بار ەكەنىن اتاپ ءوتتى. ءسوزسىز، باستى باعىتتاردىڭ ءبىرى – سينگاپۋردىڭ زاماناۋي، جوعارى تەحنولوگيالىق، ەكونوميكالىق دامىعان مەگاپوليستى قۇرۋداعى باعا جەتپەس تاجىريبەسى.
Stokson كومپانياسىنىڭ قۇرىلتايشىلارى قازاقستاندا وندىرىستىك كەشەننىڭ اشىلۋى قازاقستان ەكونوميكاسىنا وڭ اسەرىن تيگىزەدى دەپ ەسەپتەيدى.
