ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ جۇيەسىن جەتىلدىرۋ اياسىندا «الەۋمەتتىك كومەك كورسەتۋدىڭ، ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋدىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 21 مامىرداعى № 504 قاۋلىسىنا سايكەس، ومىرلىك قيىن جاعداي تۋىنداعان جاعدايدا ءار اۋدان، قالادا الەۋمەتتىك كومەك كورسەتۋدىڭ بىرىڭعاي ءتارتىبى انىقتالعان جانە وبلىس اۋماعىندا الەۋمەتتىك كومەك كورسەتۋ ءۇشىن اتاۋلى كۇندەر مەن مەرەكە كۇندەرىنىڭ بىرىڭعاي تىزبەلەرى قاراستىرىلعان.
الماتى وبلىسىندا ۇلى وتان سوعىسىنداعى جەڭىستىڭ 78 جىلدىعىن مەرەكەلەۋ قارساڭىندا كەلەسى ساناتتار بويىنشا جەرگىلىكتى بيۋدجەتتەن 222,7 ملن. تەڭگە سوماسىنا بىرجولعى ماتەريالدىق كومەك تولەۋ جوسپارلانۋدا:
- ۇلى وتان سوعىسىنىڭ 10 قاتىسۋشىلارى مەن مۇگەدەكتەرىنە 1500,0 مىڭ تەڭگەدەن، 15000,0 مىڭ تەڭگە;
- بۇرىنعى كسر وداعىن قورعاۋ، اسكەري قىزمەتتiڭ وزگە دە مiندەتتەرiن باسقا كەزەڭدەردە اتقارۋ كەزiندە جارالانۋى، كونتۋزيا الۋى، مەرتىگۋى سالدارىنان نەمەسە مايداندا بولۋىنا بايلانىستى مۇگەدەك بولعان 137اسكەري قىزمەتشىلەرگە – 100 000 مىڭ تەڭگەدەن، 13700,0 مىڭ تەڭگە;
- قىزمەتتىك مىندەتتەرىن اتقارۋ كەزىندە جارالانۋى، كونتۋزيا الۋى، جاراقات الۋى سالدارىنان نە مايداندا بولۋىنا بايلانىستى اۋرۋعا شالدىعۋى سالدارىنان مۇگەدەك بولىپ قالعان بۇرىنعى كسر وداعى مەملەكەتتىك قاۋىپسىزدىك ورگاندارىنىڭ جانە ىشكى ىستەر ورگاندارىنىڭ باسشى جانە قاتارداعى قۇرامىنىڭ 7 ادامعا – 100 000 مىڭ تەڭگەدەن، 700,0 مىڭ تەڭگە;
- لەنينگراد قالاسىنداعى قورشاۋ كەزەڭىندە قالانىڭ كاسىپورىندارىندا، مەكەمەلەرى مەن ۇيىمدارىندا جۇمىس ىستەگەن جانە «لەنينگرادتى قورعاعانى ءۇشىن» مەدالىمەن نەمەسە «قورشاۋداعى لەنينگراد تۇرعىنى» بەلگىسىمەن ماراپاتتالعان 3 ازاماتقا 60 000 مىڭ تەڭگەدەن، 180,0 مىڭ تەڭگە
- ەكىنشى دۇنيەجۇزىلىك سوعىس كەزەڭىندە فاشيستەر مەن ولاردىڭ وداقتاستارى قۇرعان كونتسلاگەرلەردەگى، گەتتولارداعى جانە باسقا دا ماجبۇرلەپ ۇستاۋ ورىندارىنداعى كامەلەتكە تولماعان 4 تۇتقىنىنا– 100 000 مىڭ تەڭگەدەن، 400,0 مىڭ تەڭگە;
- ۇلى وتان سوعىسى جىلدارىندا تىلداعى قاجىرلى ەڭبەگى مەن ءمىنسىز قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالعان ادامدارعا، سونداي-اق 1941 جىلعى 22 ماۋسىم – 1945جىلعى 9 مامىر ارالىعىندا كەمiندە التى اي جۇمىس iستەگەن (قىزمەت وتكەرگەن) جانە ۇلى وتان سوعىسى جىلدارىندا تىلداعى قاجىرلى ەڭبەگi مەن مiنسiز اسكەري قىزمەتى ءۇشىن بۇرىنعى كسر وداعىنىڭ وردەندەرiمەن جانە مەدالدارىمەن ناگرادتالماعان 3591 ادامعا 30 000 تەڭگەدەن 107730,0 مىڭ تەڭگە.
- تاجىك-اۋعان ۋچاسكەسىندە تاپسىرمالاردى ورىنداعان قر 412 اسكەري قىزمەتشىلەرىنە 150 000 مىڭ تەڭگەدەن، 61800,0 مىڭ تەڭگە;
- تاۋلى قاراباقتا ەتنوسارالىق قاقتىعىستى رەتتەۋگە قاتىسقان قر 64 اسكەري قىزمەتشىلەرىنە 150 000 مىڭ تەڭگەدەن، 9600,0 مىڭ تەڭگە;
- يراكتاعى حالىقارالىق بىتىمگەرشىلىك وپەراتسياسىنا بىتىمگەرشىلىك رەتىندە قاتىسقان قر 91 اسكەري قىزمەتشىلەرىنە 150 000 مىڭ تەڭگەدەن، 13650,0 مىڭ تەڭگە;
سونىمەن قاتار، اعىمداعى جىلدىڭ باسىنان وبلىس بويىنشا10ۇلى وتان سوعىسىنىڭ قاتىسۋشىلارى مەن مۇگەدەكتەرىنە كوممۋنالدىق قىزمەتتەرىنىڭ اقىسىنا وتەماقى تولەۋگە، (ونىڭ ىشىندە جىلىتۋ، ىستىق جانە سۋىق سۋ، گاز بەن ەلەكتر توعى) اي سايىن 3 ايلىق ەسەپتىك كورسەتكىش مولشەرىندە تولەم جۇرگىزىلەدى.
ۇلى وتان سوعىسىنىڭ قاتىسۋشىلارى مەن مۇگەدەكتەر قاجەتتىلىكتەرىنە قاراي ەستۋ اپپاراتتارى، ساناتورلىق-كۋرورتتىق جولدامالار، قولاربالار، تاياقشالار، پروتەزدىك-ورتوپەديالىق بۇيىمدار سياقتى ءتۇرلى تەحنيكالىق قوسالقى جانە كومەكشى، گيگيەنالىق قۇرالدارمەن ءبىرىنشى كەزەكتە قامتىلادى.
