شىمكەنت قالاسىندا ونەركاسىپتى دامىتۋ جانە حالىقتى تۇراقتى جۇمىسپەن قامتۋ ماقساتىندا جاڭادان 3 ونەركاسىپ الاڭى قۇرىلىپ، تاعى 2-ەۋىنىڭ اۋماعى كەڭەيتىلەدى.
بۇل تۋرالى ءال-فارابي اۋدانىنىڭ حالقىمەن كەزدەسىپ، ەسەپ بەرگەن شىمكەنت قالاسىنىڭ اكىمى مۇرات ايتەنوۆ مالىمدەدى.
–قالاعا كوپتەپ ينۆەستيتسيا تارتۋ، سول ارقىلى ونەركاسىپ سالاسىن ودان ءارى دامىتىپ، حالىقتى تۇراقتى جۇمىسپەن قامتاماسىز ەتۋ ءۇشىن جاڭادان 3 يندۋستريالدى ايماق اشىپ، 2 ايماقتى كەڭەيتۋدى كوزدەپ وتىرمىز. اتاپ ايتقاندا، بيىل «جۇلدىز» جانە «بوزارىق» يندۋستريالدى ايماقتارىنىڭ ينفراقۇرىلىم جەلىلەرىنىڭ قۇرىلىسى اياقتالادى. بۇل ايماقتاردا 2024 جىلى العاشقى كاسىپورىندار اشىلادى. وعان قوسا بيىل «ىسكەر قالا» باعدارلاماسى ارقىلى جۇمىس ىستەيتىن «ستاندارت» يندۋستريالدى ايماعى ءوز جۇمىسىن باستايدى. الداعى ۋاقىتتا «وڭتۇستىك» ارنايى ەكونوميكالىق ايماعى مەن شىمكەنت كولىك-لوگيستيكالىق ورتالىعىنىڭ اۋماعىن كەڭەيتۋدى كوزدەپ وتىرمىز، – دەدى قالا اكىمى م.ايتەنوۆ.
ونىڭ ايتۋىنشا، قولدانىستاعى 5 وندىرىستىك الاڭدا 80 100-دەن استام جۇمىس ورنى قۇرىلعان. ال، جاڭا يندۋستريالدى ايماقتاردا دا 8 مىڭنان استام جۇمىسپەن قۇرىلادى دەگەن جوسپار بار.
–مەملەكەت باسشىسى حالىقتى جۇمىسپەن قامتۋ ماسەلەسىنە ەرەكشە نازار اۋدارۋ جونىندە تاپسىرما بەردى. وسى ورايدا، شىمكەنت قالاسىندا 2022 جىلى 65 799 ادام جۇمىسپەن قامتۋ شارالارىنا قاتىستى. سونىڭ ىشىندە 7 مىڭعا جۋىعى ۋاقىتشا جۇمىس ورىندارىنا جولدانسا، 18 ازامات كاسىپتىك قايتا دايارلاۋ كۋرستارىندا وقىپ شىقتى. سونداي-اق، 40 مىڭنان استام ازامات تۇراقتى جۇمىسقا ورنالاستى. حالىقتى تۇراقتى جۇمىسپەن قامتۋعا شاعىن جانە ورتا كاسىپكەرلىك پەن ونەركاسىپ سالالارى ەكەرشە ىقپالىن تيگىزۋدە، – دەدى مۇرات دۇيسەنبەكۇلى.
قالا اكىمىنىڭ ايتۋىنشا، اتقارىلعان جۇمىستاردىڭ ناتيجەسىندە 2021 جىلى شىمكەنتتە اتاۋلى الەۋمەتتىك كومەك الاتىنداردىڭ سانى 51 مىڭنان اسسا، 1 جىلدىڭ ىشىندە بۇل كورسەتكىش 16 مىڭ ادامعا دەيىن قىسقارعان.
